અમેરિકી હેલ્થ એજન્સી CDCના આધારે વેક્સિનના ડોઝ લીધા બાદ પણ આ લોકો ડેલ્ટા વેરિઅન્ટ ફેલાવી શકે છે. આ વેરિઅન્ટ સૌથી વધારે સંક્રામક ગણાય છે.
ડેલ્ટા વેરિઅન્ટને લઈને આવ્યો ચોંકાવનારો રિપોર્ટ
ચિકનપોક્સ જેટલી ઝડપથી ફેલાય છે કોરોના વાયરસ
રિપોર્ટમાં સામે આવ્યા છે ગંભીર લક્ષણો
કોરોના વાયરસનો ડેલ્ટા વેરિઅન્ટ દરેકની તુલનામાં સૌથી વધારે ગંભીર સંક્રમણ જન્માવે છે. CDCના વૈજ્ઞાનિકોનું કહેવું છે કે આ સૌથી ખતરનાક વેરિઅન્ટ છે અને તે ચિકનપોક્સની જેમ ઝડપથી ફેલાય છે.
વેક્સિનેશન બાદ પણ રહે છે સંક્રમણનો ખતરો
મીડિયા રિપોર્ટના અનુસાર CDCના એક રિપોર્ટમાં કહેવાયું છે કે વેક્સિનના બંને ડોઝ લીધા બાદ પણ આ લોકો વેક્સિન લીધા વિનાના જેટલો જ ડેલ્ટા વેરિઅન્ટ ફેલાવી શકે છે. ભારતમાં સૌથી પહેલા ડેલ્ટા વેરિઅન્ટ જોવા મળ્યો હતો.
રિપોર્ટમાં સામે આવી રહ્યા છે ગંભીર લક્ષણો
દ વોશિંગ્ટન પોસ્ટના આ ડોક્યૂમેન્ટના આધારે એક રિપોર્ટ પ્રકાશિત થયો છે. CDCએ મંગળવારે કહ્યું કે વેક્સિન લઈ ચૂકેલા લોકોના નાક અને ગળામાં વાયરસની હાજરી વેક્સિન ન લેનારા લોકો જેટલી જ રહે છે. ડોક્યુમેન્ટમાં ડેલ્ટા વેરિઅન્ટના કેટલાક ગંભીર લક્ષણો જોવા મળ્યા છે.
ચિકનપોક્સની જેમ જ સંક્રામક છે ડેલ્ટા વેરિઅન્ટ
ડેલ્ટા વેરિઅન્ટ એવા વાયરસની તુલનામાં વધારે ઝડપથી ફેલાય છે જે મર્સ, સાર્સ, ઈબોલા, સામાન્ય દર્દી, સીઝનલ ફ્લૂ અને ચિકનપોક્સનું કારણ બને છે. આ ચિકનપોક્સની જેમ સંક્રામક છે. મળતી માહિતી અનુસાર બી. 1.617.2 એટલે કે ડેલ્ટા વેરિઅન્ટ ગંભીર સંક્રમણ જન્માવી શકે છે. જેને લઈને CDCની ચિંતા વધી છે.
અમેરિકામાં 16.2 કરોડ લોકોને અપાઈ છે વેક્સિન
સીડીસીના 24 જુલાઈના રિપોર્ટ અનુસાર અમેરિકામાં 16.2 કરોડ લોકોનું વેક્સિનેશન થઈ ચૂક્યું છે. આ સાથે દર અઠવાડિયે લક્ષણો વાળા લગભગ 35000 કેસ આવી રહ્યા છે. લક્ષણો વિનાના દર્દીઓ આ સંખ્યામાં સામેલ નથી. એટલે કે વાસ્તવિક રીતે કેસ વધારે હોઈ શકે છે.