Coronavirus / લૉકડાઉનમાં ઘરે પિઝા મંગાવવા પડ્યાં ભારે, ડિલીવરી બૉય નીકળ્યો કોરોના પોઝિટિવ અને પછી...

• સાઉથ દિલ્હીમાં બન્યો આ કિસ્સો, 72 પરિવાર ક્વોરેન્ટાઈન 
• પિઝા બોય હતો કોરોના પોઝિટિવ
• બુથ સ્તરની ટીમ આ વ્યક્તિ અન્ય કોઈના સંપર્કમાં આવ્યો હતો કે કેમ તેની તપાસ કરી રહી 

દિલ્હીમાં એક પિઝા ડિલિવરી કરનાર આ વ્યક્તિની બેદરકારી 72 પરિવારોનો ભારે પડી છે. ઉલ્લેખનીય છે કે આ વ્યક્તિ કોરોના પોઝિટિવ આવ્યો છે. એ બાદ સાઉથ દિલ્હીના હૌજ ખાસ અને માલવીસ નગરના 72 પરિવારને હોમ ક્વોરેન્ટાઈન કરી દેવામાં આવ્યા છે.  સાથે સાથે તેના સંપર્કમાં આવેલા 17 ડિલિવરી બોય્સને પણ ક્વોરેન્ટાઈન કરાયા છે. આ માહિતી દિલ્હી જિલ્લાના ડીએમ બીએન મિશ્રાએ આપી હતી. તેમજ અધિકારીઓએ આ તમામ 72 લોકોની ઓળખ છુપાવી છે.

સૂત્રોના જણાવ્યાનુંસાર ડિલિવરી બોય માર્ચના છેલ્લા અઠવાડિયા સુધી ફરજ પર હતો. ગત સપ્તાહ તેનો ટેસ્ટ પોઝિટિવ આવ્યો છે. અધિકારીઓનું કહેવું છે કે તે પહેલા ડાયાલિસિસ માટે હોસ્પિટલ ગયો હતો. બની શકે છે કે તેને ત્યારે કોરોના થયો હોય .

બૂથ સ્તરની ટીમ એ જાણવામાં લાગી છે કે શું પિઝા ડિલિવરી બોય 72 પરિવાર સિવાય કોઈના સંપર્કમાં આવ્યો હતો. માલવીય નગરના કેટલાક વિસ્તારને સીલ કરી દેવામાં આવ્યા છે.

લોકડાઉન દરમિયાન જમવાનું કરિયાણાના સામાનની હોમ ડિલિવરીની પરવાનગી છે. હોટસ્પોર્ટ વિસ્તારમાં લોકડાઉન સખત છે. તેમજ કોઈને પણ ઘરની બહાર નીકળવાની પરવાનગી નથી. તમામ જરુરી વસ્તુઓની ડિલિવરી ઘરે આપવામાં આવી રહી છે.