દુનિયાભરમાં કોરોના વાયરસ (Coronavirus)એ કહેર વરસાવ્યો છે. દુનિયાના ઘણા દેશોમાં જ્યાં કોરોના વાયરસના વધતા જઇ રહેલા કેસનો સામનો કરી રહ્યા છે. ત્યારે કોરોના વાયરસની જ્યાંથી શરૂઆત થઇ એ વુહાનથી માત્ર 1382 કિલોમીટર દૂર એક એવો દેશ છે જેણે કોરોના વાયરસને માત આપી છે.
દ.કોરિયામાં જલ્દી ટેસ્ટ અને વધુ સારી સ્વાસ્થ્ય સુવિધાને કારણે કોરોનાના કેસમાં ઘટાડો નોંધાયો
તાવથી પીડિત વ્યક્તિની તાત્કાલિક તપાસ માટે જાહેર સ્થળોએ થર્મલ ઇમેજિંગ કેમેરા લગાવ્યા
જે પ્રકારે આ દેશે કોરોના વાયરસને હરાવવા માટે લડાઇ લડી છે, તેને હવે આખી દુનિયામાં મોડલ માનવામાં આવી રહ્યું છે.
આ દેશ છે દક્ષિણ કોરિયા. આજે દક્ષિણ કોરિયા કોરોના વાયરસ સંક્રમિત દેશોની લિસ્ટમાં 8માં નંબરે છે. દક્ષિણ કોરિયામાં કોરોના સક્રમણના 9137 કેસ નોંધાયા છે. જ્યારે 3500 લોકો કોરોના વાયરસથી ઠીક થઇ ચૂક્યા છે. જ્યારે 129 લોકોના મોત થઇ ચૂક્યા છે અને 59 દર્દીઓ ગંભીર છે.
પહેલા સ્થિતિ અલગ હતી, 8-9 માર્ચે 8000 સંક્રમિત લોકોના કેસ સામે આવ્યા હતા. પરંતુ ગત બે દિવસોમાં માત્ર 12 જ કેસ સામે આવ્યા છે. સૌથી ચોંકાવનારી વાત છે કે પહેલો કેસ સામે આવ્યાથી લઇને આજ સુધી ન તો લૉકડાઉન થયું છે ન બજાર બંધ રહ્યા છે.
દ.કોરિયાના વિદેશ મંત્રી કાંગ યુંગ વાએ જણાવ્યું કે જલ્દી ટેસ્ટ અને વધુ સારી સ્વાસ્થ્ય સુવિધાને કારણે જ કોરોના વાયરસના કેસમાં ઘટાડો નોંધાયો છે. તેના કારણે મોતના આંકડાને પણ ઘટાડી શકાયો છે. અમે 600થી વધારે ટેસ્ટિંગ સેન્ટર ખોલ્યા. 50થી વધારે ડ્રાઇવિંગ સ્ટેશનો પર સ્ક્રીનિંગ કર્યું.
દ.કોરિયાના વિદેશમંત્રીએ કહ્યું કે, માત્ર 10 મિનિટમાં જ ટેમ્પરેચર સ્કેનર અને ગળાની સમસ્યાની તપાસ કરી. એક જ કલાકમાં રિપોર્ટ મળે તેની વ્યવસ્થા કરી. અમે દરેક જગ્યાએ પારદર્શક ફોનબૂથને ટેસ્ટિંગ સેન્ટરમાં બદલી નાંખ્યા.
દ.કોરિયામાં સંક્રમણને તપાસવા માટે સરકારે મોટી ઇમારતો, હોટેલ, પાર્કિંગ અને જાહેર સ્થળોએ થર્મલ ઇમેજિંગ કેમેરા લગાવ્યા. જેથી તાવથી પીડિત વ્યક્તિની તાત્કાલિક તપાસ થઇ શકે. હોટલો અને રેસ્ટોરન્ટમાં તાવની તપાસ કર્યા બાદ ગ્રાહકોને અંદર જવા દેવામાં આવતા હતા. દ.કોરિયાના એક્સપર્ટ્સે લોકોને સંક્રમણથી બચવા માટે હાથોનો કેવી રીતે ઉપયોગ કરવો તે શીખવ્યું.
આ સૌથી ખાસ રીત હતી, જો વ્યક્તિ જમણા હાથનો ઉપયોગ કરે છે તો તેને મોબાઇલ ચલાવવા, દરવાજાનું હેન્ડલ પકડવા અને દરેક નાના-નાના કામમાં ડાબા હાથનો ઉપયોગ કરવાની સલાહ આપવામાં આવી.
આ પ્રકારે ડાબા હાથનો વધુ ઉપયોગ કરનાર વ્યક્તિને જમણા હાથનો ઉપયોગ કરવા કહેવામાં આવ્યું. આમ એટલા માટે કરવામાં આવ્યું, કેમકે વ્યક્તિ જે હાથનો સૌથી વધારે ઉપયોગ રોજિંદા કામમાં કરે છે, એ જ હાથ સૌથી પહેલા ચહેરા પર જાય છે. આ રીત ખુબજ ફાયદાકારક રહી.