આનંદો / સારા સમાચાર : છેલ્લાં 2 મહિનાથી બંધ ગુજરાતનું આ સ્થળ પ્રવાસીઓ ફરી ખુલ્લુ મુકાયું

• પ્રવાસીઓ માટે સાપુતારા ખુલ્લું મુકાયું
• કુદરતી નજારો માણવા પ્રવાસીઓ ઉમટ્યા
• પ્રવાસીઓમાં ખુશીનો માહોલ

મળતી જાણકારી પ્રમાણે, ગુજરાતનું એક માત્ર હિલ સ્ટેશન સાપુતારા ફરી ખુલ્લું મુકાયુ છે. કોરોનાની બીજી લહેરમાં સાપુતારા લોકડાઉનમાં બંધ કરવામાં આવ્યુ હતું.. 

ઉલ્લેખનીય છે કે, હાલ કોરોનાના કેસ ઓછા થતા સાપુતારામાં પ્રવાસીઓ પરનો પ્રતિબંધ હટાવવામાં આવ્યો છે. આથી પ્રવાસીઓમાં ખુશીનો માહોલ જોવા મળી રહ્યો છે. 

સાપુતારા ફરી ખુલ્લું મુકાયું

સાપુતારા ફરી ખુલ્લું મુકાતા અને હાલ આહલાદક વાતાવરણથી કુદરતી સૌંદર્ય ખીલી ઉઠતા પ્રવાસીઓ પણ મોટી સંખ્યામાં ઉમટી પડ્યા છે. તો બીજી તરફ પ્રવાસીઓ ફરવા આવતા સ્થાનિક વેપારીઓને પણ આવક થઈ છે.

ગુજરાતમાં કોરોનાની સ્થિતિ

રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 4,205 નવા કેસ નોંધાયા છે, તો 54 લોકોના સંક્રમણના કારણે મોત નિપજ્યા છે. આજે ફરી એક વખત ગુજરાતમાં, કોરોનાની બીજી લહેરમાં કોરોનાના કેસ કરતા આજે સાજા થનારનો આંકડો વધુ છે. જો કે, ગઈકાલ કરતા મોતની સંખ્યામાં ઘટાડો થયો છે.

છેલ્લા 24 કલાકમાં 54 દર્દીઓના મોત અને સાજા થનારનો આંકડો રાહત આપનારો

ઉલ્લેખનીય છે કે, છેલ્લા 24 કલાકમાં રાજ્યમાં 54 લોકોના સારવાર દરમિયાન મોત થયાં છે. આમ ગુજરાતમાં અત્યાર સુધીમાં 9523 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ઘટાડો જોવા મળ્યો છે. જો કે, નવા કેસની સામે આજે ગુજરાતમાં 8445 દર્દીઓ સાજા થયાં છે. આ સાથે જ અત્યાર સુધીમાં 6,950,26 દર્દીઓ કોરોના મુક્ત થયાં છે. આમ આજે કેસ પણ ઘટ્યા અને સાજા થનારનો આંકડો રાહત આપનારો છે. રાજ્યમાં હાલ 679 લોકો વેન્ટિલેટર પર છે. એક્ટિવ કેસનો આંકડો 80,127 પર પહોંચ્યો છે.

અત્યાર સુધીમાં 1,52,15,612 લોકોને અપાઇ રસી 

સારા સમાચાર એ છે કે, અત્યાર સુધીમાં 1,52,15,612 લોકોનું કુલ રસીકરણ થઈ ગયું છે. તો આજે 1,47,860 લોકોને વેક્સિન આપવામાં આવી છે.

સુરત અને અમદાવાદમાં કોરોના સંક્રમણ ઘટ્યું 

ગુજરાતમાં રસીકરણની કામગીરી ચાલુ હોવા છતાં બીજી તરફ પરિસ્થિતિ બેફામ છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 692 કેસ તો અમદાવાદ ગ્રામ્યમાં 19 કેસ નોંધાયા છે. જ્યારે સુરત શહેરમાં 294 નવા કેસ, જ્યારે સુરત ગ્રામ્યમાં 156 કેસ નોંધાયા છે. વડોદરા શહેરમાં 380 કેસ, જ્યારે ગ્રામ્યમાં 165 કેસ નોંધાયા. રાજકોટ શહેરમાં 169 કેસ અને ગ્રામ્યમાં 162 કેસ નોંધાયા છે.