કોરોના વાયરસના કહેરની લહેર સમગ્ર વિશ્વમાં ફેલાયી છે. ત્યારે વાયરસના કારણે દુનિયા ભરમાં મૃત્યુઆંક તથા કોરોનાના કેસમાં સતત વધારો થઈ રહ્યો છે. સૌથી વધારે કેસ અમેરિકામાં નોંધાય છે. તો સૌથી વધારે મોત ઈટલીમાં થયા છે. અમેરિકામાં 24 કલાકમાં 1480 લોકોના મોત નિપજ્યા છે. આ આંકડો બહું ચિંતાજનક છે. અમેરિકામાં કેસ તથા મોતની સંખ્યામાં સતત વધારો થઈ રહ્યો છે.
એક જ દિવસમાં 1480 લોકોના મોત
24 કલાકમાં 29 હજાર નવા કેસ સામે આવ્યા
એક્ટિ કેસની સંખ્યા 257,782 છે
અમેરિકામાં એક જ દિવસમાં 1480 લોકોના મોત નિપજ્યા છે. જેથી મૃત્યુઆંક 7,402 થઈ ગયો છે. જ્યારે અમેરિકામાં 24 કલાકમાં 29 હજાર નવા કેસ સામે આવતા કોરોના ગ્રસ્તની સંખ્યા વધીને 277,467 થયા છે. જ્યારે સાજા થનારની સંખ્યા 12,283 છે. તો અહીં એક્ટિ કેસની સંખ્યા 257,782 છે.
સમગ્ર વિશ્વમાં 1,098,762 લોકો કોરોના ગ્રસ્ત છે. જ્યારે અત્યાર સુધીમાં 59,172 લોકોના મોત નિપજ્યા છે. વિશ્વમાં 810,667 એક્ટિવ કેસ છે. જ્યારે 228,923 લોકો સાજા થઈ ગયા છે.
અમેરિકાના રાષ્ટ્રપતિ ડોનાલ્ડ ટ્રમ્પે મેડિકલ ઈક્વિપમેન્ટના નિકાસની વિરુદ્ધ ઉત્પાદન અધિનિયમ અમલમાં મુકવામાં આવ્યો છે. ત્યારે અમેરિકાઓ માસ્ક લગાવીને ઘરની બહાર નીકળવા કહ્યું છે. કોરોનાને ફેલાતો અટકાવવા માટે ટ્રમ્પ સરકારે લોકોને માસ્ક લગાવીને નિકળવાની સલાહ આપી છે.
સારા સમાચાર એ છે કે અમેરિકાના 180 નૌસૈનિકોનો રિપોર્ટ નેગેટિવ આવ્યો છે. નેવી કમાન્ડર જોન મેનોનીએ જણાવ્યુ છે કે જહાજ પરથી અન્ય 300થી 500 નૌસૈનિકોને આવનારા 12થી 24 કલાકમાં હટાવી દેવાશે ઉલ્લેખનીય છે કે ગુરુવારે 114 નૌસૈનિકો સંક્રમિત મળ્યા હતા.