દુનિયાભરમાં ભારત સૌથી વધારે કોરોના સંક્રમણના આંકડામાં ત્રીજા નંબરે છે. અહીં કોરોના કેસની સંખ્યા 31 લાખને પાર થઈ છે. જ્યારે 57.6 હજારથી વધારે દર્દીના મોત થયા છે. ભારતમાં 23.2 લાખ કોરોના દર્દીઓ સાજા થઈને ઘરે આવી ચૂક્યા છે. એક્ટિવ કેસનો આંક 7 લાખને પાર પહોંચ્યો છે. મધ્યપ્રદેશમાં અત્યારસુધી 7 મંત્રીઓ કોરોનાથી સંક્રમિત થઈ ચૂક્યા છે અને સારવાર બાદ સાજા થયા છે.
દુનિયા સહિત ભારતમાં વધ્યું કોરોના સંક્રમણ
ભારતમાં 7 લાખથી વધુ એક્ટિવ કેસ
MPમાં 7 મંત્રીઓ કોરોના સંક્રમિત થયા
ઓગસ્ટમાં દિલ્હીમાં તૂટ્યો રેકોર્ડ
દિલ્હીમાં રવિવારે કોરોનાના 1450 નવા કેસ આવ્યા છે અને અહીં કુલ કેસની સંખ્યા 1.61 લાખથી વધી ચૂકી છે. દિલ્હી સરકાર દ્વારા જાહેર કરાયેલા સ્વાસ્થ્ય બુલેટિન અનુસાર છેલ્લા 24 કલાકમાં 12740 રેપિડ એંટીજન તપાસ કરાઈ છે. આ ઉપરાંત આરટી-પીસીઆર તથા અન્ય રીતે 6261 કેસની તપાસ થઈ છે. શહેરમાં 14.31,094 તપાસ થઈ છે. એક ઓગસ્ટથી સંક્રમણમાં ઉતાર ચઢાવ જોવા મળી રહ્યો છે.
મધ્યપ્રદેશમાં મચ્યો કોરોનાનો આતંક
અહીં રાજ્યના 7 મંત્રીઓ કોરોના સંક્રમિત થયા છે. સ્વાસ્થ્ય મંત્રી પ્રભુરામ ચૌધરીનો કોરોના ટેસ્ટ પોઝિટિવ આવ્યો છે. તેમને મળનારા તમામને આઈસોલેટ થવાનું કહેવાયું છે. આ પહેલાં મુખ્યમંત્રી શિવરાજ સિંહ ચૌહાણ, PWD મંત્રી ગોપાલ ભાર્ગવ અને સહકારીતા મંત્રી અરવિંદ ભદૌરિયા, તુલસી સિલાવટ જળ સંસાધન મંત્રી, અલ્પસંખ્યક કલ્યાણ મંત્રી રામખેલાવન પટેલ, ચિકિત્સા અને શિક્ષા મંત્રી વિશ્વાસ સારંગ, ઉચ્ચ શિક્ષા મંત્રી મોહન યાદવ પણ કોરોના સંક્રમિત થયા હતા. રાજ્યમાં કોરોનાના દર્દીની સંખ્યા 51 હજારને પાર થઈ છે. તેમાં 39 હજાર દર્દીઓ સાજા થયા છે જ્યારે 1200 દર્દીઓએ પોતાનો જીવ ગુમાવ્યો છે.
ગુજરાતમાં આવી છે સ્થિતિ
કોરોના વાયરસના કારણે ગુજરાતમાં સતત વધતાં જતા આંકડાએ કેટલાક શહેરોમાં ચિંતા વધારી છે. ગુજરાતના સુરત, અમદાવાદ, રાજકોટ, વડોદરામાં કોરોનાનું સંક્રમણ વધી રહ્યું છે. ત્યારે રાજ્ય સરકારના આરોગ્ય વિભાગે જાહેર કરેલા આંકડા અનુસાર ગુજરાતમાં છેલ્લા 24 કલાકમાં 1101 કોરોનાના કેસ નોંધાયા છે. આ સાથે જ રાજ્યમાં કુલ કેસનો આંકડો 86,779 પર પહોંચ્યો છે. કોરોના વાયરસના કારણે ગુજરાતમાં હાલ રાજ્ય કુલ 61 લેબોરેટરી કાર્યરત છે અને છેલ્લા એક માસથી રેપિડ એન્ટીજન કિટનો પણ ઉપયોગ કરવામાં આવી રહ્યો છે. રાજ્યમાં આજે સૌથી વધુ કોરોના વાયરસના 60,808 ટેસ્ટ કરવામાં આવ્યા છે જ્યારે ટેસ્ટિંગનો કુલ આંકડો 17,56,133 પર પહોંચ્યો છે.