ચીન / ચીનમાં કોરોના વાયરસથી મોતનો નથી રોકાઇ રહ્યો સિલસિલો, મૃત્યુઆંક વધીને આટલો થયો

• ચીનમાં કન્ફર્મ મામલાઓની સંખ્યા વધીને 79,251 સુધી પહોંચી ગઇ છે
• શુક્રવારે સ્વસ્થ થયા બાદ 2,885 લોકોને હોસ્પિટલથી રજા આપી દેવામાં આવી
• અમેરિકાએ આસિયાન દેશોના નેતાઓ સાથે યોજાનારા સમ્મેલનને સ્થગિત કરી દીધુ

ચીનની નેશનલ હેલ્થ કમીશન (NHC) ના સ્વાસ્થ્ય અધિકારીઓએ શનિવારે જાણકારી આપાત કહ્યું કે તેમને દેશમાં શુક્રવારે કોરોના વાયરસ સંક્રમણના 427 નવા કન્ફર્મ મામલાઓ અને તેના કારણે 47 લોકોના મોતની જાણકારી મળી છે. 

47માંથી એકલા હુબેઇમાં 45ના મોત

નેશનલ હેલ્થ કમીશન અનુસાર, હુબેઇ પ્રાન્ત કોરોના વાયરસનું મુખ્ય કેન્દ્ર છે અને અહીં 45, બીજિંગ અને હેનાનમાં 1-1નું મોત થયું છે. કમીશને કહ્યું કે શુક્રવારે 248 નવા શંકાસ્પદ મામલા સામે આવ્યા. 

સ્વાસ્થ્ય અધિકારીઓ અનુસાર, શુક્રવારે સ્વસ્થ થયા બાદ 2,885 લોકોને હોસ્પિટલથી રજા આપી દેવામાં આવી. જ્યારે ગંભીર મામલાઓની સંખ્યા ઘટીને 7,664 થઇ ગઇ છે.  1,418 લોકોના હજુ પણ વાયરસથી સંક્રમિત હોવાની આશંકા છે. 

અત્યાર સુધીમાં કુલ ઠીક થયેલા 39,002 લોકોને હોસ્પિટલથી રજા આપી દેવામાં આવી ચૂકી છે. કમીશને કહ્યું કે 6,58,587 લોકોના સંક્રમિત દર્દીઓના નજીક સંપર્કમાં હોવાનું જાણવા મળ્યું છે. તેમાંથી 10,193એ શુક્રવારે હોસ્પિટલથી રજા આપી દેવામાં આવી. જ્યારે 58,233 અન્ય હજુ પણ સ્વાસ્થ્ય સેવાની દેખરેખ હેઠળ છે. 

આસિયાનની સાથે અમેરિકાની બેઠક સ્થગિત

કોરોના વાયરસ (Coronavirus) ના વધતા ખતરાને જોતા અમેરિકાએ આસિયાન દેશોના નેતાઓ સાથે યોજાનારા સમ્મેલનને સ્થગિત કરી દીધુ છે. આ સમ્મેલન માર્ચના બીજા સપ્તાહમાં લોસ વેગાસમાં આયોજિત થવાનું હતું. શુક્રવારે અડધી રાત્રે, હોંગકોંગ વિશેષ ક્ષેત્ર (એસએઆર) બે લોકોના મોત સહિત 94 મામલાઓની પુષ્ટી થઇ હતી. જ્યારે મકાઉમાં 10 અને તાઇવાનમાં એક સહિત 34 મામલાઓની પુષ્ટી થઇ છે. 

હોંગકોંગમાં 30, મકાઉમાં 8 અને તાઇવાનમાં 9 દર્દીઓને ઠીક થયા બાદ હોસ્પિટલમાંથી રજા આપી દેવામાં આવી છે. કોરોના વાયરસ અત્યાર સુધીમાં ભારત, અમેરિકા, સિંગાપુર, ઇટલી અને ઇરાન સહિત લગભગ 45 દેશોમાં પહોંચી ગયો છે.