મેરીલેન્ડ યુનિવર્સિટીના સંશોધકો દ્વારા એક અભ્યાસમાં જાણવા મળ્યું છે કે SARS-CoV-2ના વેરિએન્ટ્સ હવા દ્વારા વધુ સરળતાથી ફેલાઈ શકે છે. અભ્યાસ મુજબ, લોકોએ સંક્રમણથી બચવા માટે કડક અને સારા વેન્ટિલેશનવાળા જેમાં હવાની અવર-જવર સરળતાથી થઇ શકે તેવા માસ્ક પહેરવા જોઈએ.
મેરીલેન્ડ યુનિવર્સિટીના સંશોધકોએ કર્યો દાવો
SARS-CoV-2ના વેરિએન્ટ્સ હવા દ્વારા વધુ સરળતાથી ફેલાય છે
સંક્રમણથી બચવા કડક અને સારા વેન્ટિલેશનવાળાં માસ્ક પહેરવા
લોકોએ વેક્સિનેશન પર ભાર મુકવો જોઈએ
સંશોધકોએ દાવો કર્યો છે કે, આ સાથે વેક્સિનેશન પણ કરાવવુ જોઈએ. એટલેકે કોવિડ-19ને ઝડપથી ફેલાતા અટકાવી શકાય. મેરિલેન્ડ યુનિવર્સિટીના સંશોધકોના નેતૃત્વમાં ટીમને જાણ્યું કે કોરોનાથી સંક્રમિત થયેલા લોકો પોતાના શ્વાસ દ્વારા સંક્રમિત વાયરસ છોડે છે. અભ્યાસમાં જણાવવામાં આવ્યું છે કે જે લોકો કોરોના વાયરસના આલ્ફા વેરિએન્ટથી સંક્રમિત થયા છે. તેમણે વાયરસના વાસ્તવિક સ્ટ્રેનથી સંક્રમિત થયેલા લોકોની સરખામણીમાં 43 થી 100 ગણા વધુ વાયરસને હવામાં ફેલાવ્યાં છે. ક્લિનિકલ ઈન્ફેક્શિયસ ડિજીજ જર્નલમાં પ્રકાશિત થયેલા અભ્યાસમાં જાણવા મળ્યું કે ઢીલા કપડાંવાળા માસ્ક પહેરવા અને સર્જિકલ માસ્કથી સંક્રમિત લોકોની આજુબાજુ હવામાં આવતા વાયરસની માત્રા લગભગ અડધી થઇ ગઇ છે.
હવા દ્વારા ઝડપથી ફેલાઈ રહ્યાં છે વેરિએન્ટ્સ
મેરીલેન્ડ યુનિવર્સિટીના સ્કૂલ ઓફ પબ્લિક હેલ્થમાં પ્રોફેસર ડોન મિલ્ટને કહ્યું, અમારા નવીન અભ્યાસમાં હવામાં વાયરસ ફેલાવવાના મહત્વ અને પુરાવા પ્રદાન કરે છે. પ્રોફેસર ડોન મિલ્ટને કહ્યું, અમે જાણીએ છીએ કે ઝડપથી ફેલાતો ડેલ્ટા વેરિએન્ટ આલ્ફા વેરિએન્ટની સરખામણીએ વધારે સંક્રમિત છે. અમારું સંશોધન એ વાત તરફ ઈશારો કરે છે કે વેરિએન્ટસ હવાથી વધુ ફેલાય છે. તેમણે કહ્યું, આ સ્થિતિમાં આપણે સારું વેન્ટિલેશન પુરૂ પાડવુ જોઈએ અને કડક ફીટિંગવાળું માસ્ક પહેરવુ જોઈએ. આ ઉપરાંત વેક્સિનેશન કરાવવુ જોઈએ. એટલે હવામાં ફેલાતા વાયરસ પર અંકુશ મેળવી શકાય. સંશોધકોએ અન્ય એક વાત પર પણ ભાર મુક્યો છે કે આલ્ફા વેરિએન્ટ સંક્રમણના કારણે સામે આવી રહેલો વાયરસ ઝડપથી હવામાં ફેલાઈ રહ્યો છે.