કોરોના સંકટ / કોરોનાના સીરિયસ-ક્રિટિકલ કેસને લઇને ભારત માટે આવ્યાં ચિંતાજનક સમાચાર

• અમેરિકા પછી ભારતમાં સૌથી વધારે સીરિયસ કેસ
• ભારતમાં કુલ દર્દીઓનો આંકડો 4.5 લાખની પાર પહોંચ્યો

સીરિયસ-ક્રિટિકલ દર્દીઓના આંકડાના હિસાબે ભારત બીજા નંબર પર છે. ભારતથી વધારે અમેરિકામાં 16 હજારથી વધારે ક્રિટિકલ-સીરિયસ કેસ છે. જ્યારે બ્રાઝિલમાં આ આંકડો 8318 છે, એટલે કે ભારતથી પણ ઓછા છે. રશિયામાં તો આ આંકડો તેના કરતાં પણ ઓછા છે. જ્યાં માત્ર 2300 દર્દી સીરિયસ-ક્રિટિકલ છે. 

વર્લ્ડોમીટર મુજબ દુનિયામાં અત્યાર સુધી કુલ દર્દીઓનો આંકડો 93 લાખ 53 હજાર 735 છે, જેમાંથી 4 લાખ 79 હજાર 805 લોકોના મૃત્યું થયા છે. હાલમાં એક્ટિવ કેસની સંખ્યા 38 લાખથી વધારે છે, જેમાં અંદાજે 58 હજાર સીરિયસ-ક્રિટિકલ કેસ છે. એટલે કે કુલ એક્ટિવ કેસના 2 ટકા લોકો સીરિયસ-ક્રિટિકલ છે. 

ભારતમાં સીરિયસ-ક્રિટિકલ કેસની સંખ્યા 9 હજાર છે, એટલે કે એક્ટિવકેસના અંદાજે 5 ટકા લોકો સીરિયસ-ક્રિટિકલ છે. ભારતમાં કોરોનાથી સાજા થનાર આંકડો 2 લાખ 58 હજાર 574 છે. અત્યાર સુધીમાં 71 લાખથી વધારે સેમ્પલ ટેસ્ટ કરવામાં આવ્યાં છે. એટલ કે ભારતમાં ટેસ્ટનો દર 5173 ટેસ્ટ પ્રતિ મિલિયન છે. 

કોરોના કેસને લઇને ભારત દુનિયામાં ચોથા નંબર પર છે. પહેલા નંબર પર અમેરિકા જ્યાં કુલ કેસની સંખ્યા 24 લાખથી વધારે છે અને 1.23 લાખથી વધારે લોકોના મૃત્યું થયા છે. જ્યારે બીજા નંબર પર બ્રાઝિલ, જ્યાં કુલ કેસની સંખ્યા 11 લાખથી વધારે છે.