મહામારી / કોરોના સંકટમાં ભારત અને આ દેશની પરિસ્થિતિ એક જેવી પરંતુ આંકડામાં તફાવત જાણીને ચોંકી જશો

• વિશ્વમાં ભારત-બ્રાઝિલની વાતો
• ભારતે કોરોનાને કર્યો કાબુમાં
• બ્રાઝિલના થઈ ગયા બેહાલ

આ તુલના પાછળ અનેક કારણો છે. બન્ને દેશોની સ્થિતિ અનેક રીતે એક જેવી જોવા મળી રહી છે. બન્ને મધ્યમ અર્થવ્યવસ્થાઓ છે. બન્ને બ્રિક્સ રાષ્ટ્ર છે. અને મોટી જનસંખ્યાવાળા દેશો છે. છતાં મોતના આંકડામાં જમીન આસમાનનો ફરક છે. આખરે કેમ ભારતની બ્રાઝિલ સાથે થઈ રહી છે તુલના?

બ્રાઝિલમાં ભારતથી પાંચ ગણા વધારે મોત

ભારતમાં કોરોના વાયરસના દર્દીઓની સંખ્યા એક લાખને પાર પહોંચી ગઈ છે. જ્યારે ત્રણ હજાર જેટલા લોકો મોતને ભેટ્યા છે. પ્રતિદિવસ પાંચ હજારની આસપાસ નવા કેસ આવી રહ્યા છે અને 100થી વધારે મોત થઈ રહ્યા છે. કોરોનાની આ સ્પીડના તમામ માપદંડ પર ભારતની તુલના દુનિયાના બાકી દેશો સાથે થઈ રહી છે. આમાં એક દેશ બ્રાઝિલ પણ છે. સૌથી મહત્વની વાત એ છે કે સ્થિતિ એક જેવી હોવા છતાં બ્રાઝિલમાં ભારતથી પાંચ ગણા વધારે મોત થયા છે. અને સંક્રમિતોની સંખ્યા પણ સતત વધી રહી છે. 

ભારત અને બ્રાઝિલ બન્ને દેશની તુલના પાછળ અનેક કારણ 

ભારત અને બ્રાઝિલ બન્ને દેશની તુલના પાછળ અનેક કારણો જોવામાં આવી રહ્યા છે. બન્ને દેશની સ્થિતિ અનેક રીતે એક જેવી છે. બન્ને મધ્યમ અર્થવ્યવસ્થાવાળા દેશો છે. બન્ને બ્રિક્સ રાષ્ટ્ર છે. જ્યારે બન્ને દેશમાં વસ્તી પુસ્કળ છે અને શહેરો ગિચતાવાળા છે. જ્યાં મોટા પ્રમાણમાં સ્લમ લોકો છે. ડેમોગ્રાફિક, આર્થિક અને હેલ્થ ઈન્ડિકેટર્સમાં પણ બન્ને દેશ આસપાસ નજરે પડી રહ્યા છે. અને બન્ને કોરોના વાયરસના વધતા કેસનો બોઝ ઝેલી રહ્યા છે. બન્ને દેશમાં માર્ચ મહિનાના મધ્યથી કોરોના દર્દીઓની સંખ્યામાં વધારો થવાની શરૂઆત થઈ. 

ભારતમાં કોરોનાનો પ્રથમ કેસ જાન્યુઆરીના અંતમાં આવ્યો. જ્યારે બ્રાઝિલમાં પ્રથમ કેસ ફેબ્રુઆરીમાં સામે આવ્યો. બ્રાઝિલમાં ઈટલીથી પરત ફરેલા વ્યક્તિનો રિપોર્ટ પોઝિટિવ આવ્યો. પરંતુ 13 માર્ચ સુધી બ્રાઝિલે કુલ કેસની સંખ્યામાં ભારતને પાછળ છોડી દીધું. 21 માર્ચ સુધી ભારતમાં દર ત્રણ દિવસે કેસ ડબલ થઈ રહ્યા હતા. જ્યારે બ્રાઝિલમાં માર્ચના મધ્ય સુધી બેથી ત્રણ દિવસે કેસ ડબલ થઈ રહ્યા હતા. ભારતમાં 25 માર્ચથી જ લોકડાઉન લાગુ કરી દેવામાં આવ્યું. પરંતુ બ્રાઝિલમાં રાષ્ટ્રવ્યાપી લોકડાઉન લગાવવામાં ન આવ્યું. 

મોતના આંકડામાં વિશ્વમાં છઠ્ઠા નંબરે બ્રાઝિલ

ભારતમાં જ્યાં લોકડાઉનને કારણે કોરોનાનો વ્યાપ અટકી ગયો. ત્યાં બ્રાઝિલમાં લોકડાઉન કડકાઈથી લાગુ કરવામાં ન આવતા ભારે કિંમત ચુકવવી પડી. અને હાલ સ્થિતિ એટલી ગંભીર થઈ ગઈ છે કે બ્રાઝિલમાં અમેરિકા અને રશિયા બાદ સૌથી વધારે કોરોનાના સંક્રમિત લોકો છે. જૉન હોમકિંગ યુનિવર્સિટીના કહેવા મુજબ 20 મે સુધી બ્રાઝિલમાં કોરોના વાયરસના કુલ બે લાખ 71 હજાર 885 કેસ છે. બ્રાઝિલથી વધારે અમેરિકામાં 15 લાખ 28 હજાર 568 અને રશિયામાં બે લાખ 99 હજાર 941 કેસ છે. વિશ્વમાં બ્રાઝિલ હાલ ત્રીજા નંબરે છે..જ્યારે ભારત 11મા નંબરે. ભારતમાં હાલ સંક્રમિતોનો આંકડો એક લાખ છ હજાર 886 પહોંચી ગયો છે.  જો વાત મોતની સંખ્યાની કરીએ તો બ્રાઝિલમાં કોરોનાને કારણે 17 હજાર 983 લોકો મોતને ભેટ્યા છે. અને મોતના લિસ્ટમાં બ્રાઝિલ છઠ્ઠા નંબરે છે. બ્રાઝિલથી ઉપર સ્પેન, ફ્રાંસ, ઈટલી, યુકે અને અમેરિકા છે. તો ભારત આ લિસ્ટમાં 16 નંબરે છે. અને અહીં 3 હજાર 303 લોકો કોરોના સામે જંગ હાર્યા છે. 

ભારતમાં કોરોનાના દર્દીઓની અવરેજ સંખ્યા માત્ર 7.1 ટકા

માત્ર આટલું જ નહીં એક લાખની વસ્તીના હિસાબથી પણ બ્રાઝિલ ભારતથી ગણુ આગળ છે. બ્રાઝિલમાં એક લાખની વસ્તીએ કોરોનાના એવરેજ દર્દીઓની સંખ્યા 104 છે. જ્યારે ભારતમાં આ સંખ્યા માત્ર 7.1 છે. આ રીતે જોઈએ તો ભારતની સ્થિતિ ઘણી જ સારી છે. ભારતીય આરોગ્ય વિભાગે દાવો કર્યો છે કે સમગ્ર દુનિયામાં કોરોના પર સૌથી સારો કંટ્રોલ ભારતે જ કર્યો છે. કેન્દ્રીય આરોગ્ય મંત્રી ડૉક્ટર હર્ષવર્ધને ટ્વિટ કરીને કહ્યું કે, દુનિયાભરમાં પ્રતિ લાખની વસ્તી પર ડેથ રેટ એવરેજ 4.1 છે. જ્યારે ભારતમાં આ રેટ 0.2 છે. ઈટલી, બ્રિટન અને સ્પેન જેવા વિકસિત દેશોમાં આ રેટ એવરેજ 50થી પણ વધારે છે. 

ભારત મહદઅંશે સફળ થયું 

તો આ બન્ને દેશની સરખામણી પર એટલું કહી શકાય કે કોરોના પર કાબુ કરવામાં ભારત મહદઅંશે સફળ થયું છે. જ્યારે બ્રાઝિલ જેવા અન્ય દેશોમાં કોરોનાનો પ્રથમ કેસ ભારત પછી આવ્યો છતાં તેઓ સંક્રમિતોની સંખ્યામાં ભારતથી ઘણા જ આગળ છે. અને મોતના આંકડામાં પણ ઘણા જ આગળ નીકળી ગયા છે.