ચીન હસ્તક હોંગકોંગથી ભાગીને અમેરિકા પહોંચેલા હોંગ કોંગ સ્કૂલ સ્કૂલ ઓફ પબ્લિક હેલ્થ સીનિયર વાયરોલોજિસ્ટ ડૉ. લી મેંગ યાને દાવો કર્યો છે કે કોરોના ચીનના મિલિટ્રી લેબમાં બનાવવામાં આવ્યો હતો. તેમણે આ વાયરસના ચીનના માંસ બજારમાં ઉત્પન્ન થયેલા દાવાને ફગાવી દીધો છે. વૈજ્ઞાનીકના દાવાથી ચીને ઈન્કાર કરી દીધો છે.
વાયરસ ચીની ક્મ્યૂનિસ્ટ પાર્ટીની એક સેન્ય લેબમાંથી આવ્યો હતો
માંસાહાર માર્કેટની સ્ટોરી ઘડવામાં આવી છે
યાન એપ્રિલમાં હોંગકોંગ છોડીને અમેરિકા આવી ગઈ હતી
તાઈવાની સમાચાર એજન્સી લ્યૂડ પ્રેસની સાથે એક લાઈવ - સ્ટ્રીમ ઈન્ટરવ્યૂમાં ડૉ. લી મેંગ યાને કહ્યું કે જ્યારે મહામારી ફેલાવાની શરુઆત થઈ ત્યારે મે સ્પષ્ટ રીતે તેનું મૂલ્યાંકન કર્યુ હતુ. આ વાયરસ ચીની ક્મ્યૂનિસ્ટ પાર્ટીની એક સેન્ય લેબમાંથી આવ્યો હતો. જેને છુપાવવા માટે માંસાહાર માર્કેટની સ્ટોરી ઘડવામાં આવી છે.
ડો. લી મેંગ યાને દાવો કર્યો કે જ્યારે તેમણે આ અંગે જાણકારી અધિકારીઓને આપી તો તેમણે નજર અંદાજ કરી દીધી હતી. તેમણે દાવો કર્યો કે ચીની કોમ્પ્યૂનિસ્ટ પાર્ટી માટે તેમના દાવાને ફગાવી દેવો મુશ્કેલ રહશે.
તેમણે એમ પણ કહ્યુ કે મને પહેલાથી ખબર હતી કે કમ્યૂનિસ્ટ પાર્ટીની વિરુદ્ધ બોલવાનો મતલબ છે આપણે ક્યારેય પણ ગાયબ થઈ શકીએ છીએ. બીલકુલ એ જ રીતે જેમ હોંગકોંગમાં લોકતંત્ર સમર્થક પ્રદર્શનકારીઓ સાથે થયું. એટલે મે માહિતી ભેગી કરવાનું શરુ કર્યુ.
વાયરોલોજિસ્ટ ડૉ. લી મેંગ યાન એપ્રિલમાં હોંગકોંગ છોડીને અમેરિકા આવી ગઈ હતી. તેમણે ચીની રાષ્ટ્રીય સુરક્ષા કાયદા હેઠળ ધરપકડ થયાનો ડર સતાવી રહ્યો હતો. તેમણે કહ્યું કે ચીની સરકારને સત્તા પરથી હટાવવા તેઓ ત્યાના લોકોની મદદ કરશે.