કોરોના વાયરસના કારણે સમગ્ર દુનિયાની અર્થવ્યવસ્થાને ફટકો પડ્યો છે. કેટલાક દેશ કોરોના વાયરસની ઝપેટમાં આવી ચૂક્યા છે. ત્યારે હવે G-20 દેશોએ આ મહામારી સામે લડવા માટે ગ્લોબલ ઇકૉનોમીમાં 5 ટ્રિલિયન યૂએસ ડૉલર આપવાનું એલાન કર્યું છે.
કોરોના વાયરસના કારણે દુનિયાની ઇકૉનોમીને ફટકો
જી-20 દેશ ગ્લોબલ ઇકૉનોમી માટે આપશે 5 ટ્રિલયન યૂએસ ડૉલર
કોરોના વાયરસના કારણે સમગ્ર વિશ્વને આર્થિક કિંમત ચૂકવવા પડી છે. જેના કારણે ઉદ્યોગ-ધંધા પર પણ ઘણા અંશે બ્રેક લાગી ગઇ છે. આને જોતા વૈશ્વિક જીડીપીમાં પણ ઘટાડો થવાની સંભાવના વ્યક્ત કરવામાં આવી છે. જોકે હવે વૈશ્વિક અર્થવ્યવસ્થા માટે જી-20 દેશ આગળ આવ્યા છે અને કોવિડ-19 મહામારીથી લડવા માટે ગ્લોબલ ઇકૉનોમીમાં 5 ટ્રિલિયન યૂએસ ડૉલર આપવાનું એલાન કર્યું છે.
સૂત્રોના જણાવ્યા અનુસાર, જી-20 સંમેલનમાં પ્રધાનમંત્રી નરેન્દ્ર મોદીએ જી-20માં સામેલ દેશોને કહ્યું કે કોવિડ-19ના સંકટના 3 મહિના બાદ આપણ હજુ પણ આ સંકટથી લડવા માટે એક સંકલિત અભિગમની શોધ કરી રહ્યા છીએ. આ સાથે જ પીએમ મોદીએ કહ્યું કે દુનિયા આપણા એક્શનને જોઇ રહી છે.
પ્રધાનમંત્રી નરેન્દ્ર મોદીએ જી-20 દેશોને માનવ જીવન પર ધ્યાન કેન્દ્રિત કરવાની યોજના સાથે આવવાનો આગ્રહ કર્યો. તેમણે સમાજના આર્થિકરીતે નબળા લોકો માટે મૂશ્કેલીઓ ઓછી કરવા, ડબ્લ્યૂએચઓને મજબૂત કરવા અને આર્થિક મુશ્કેલીઓને ઓછી કરવાની યોજના માટે આગ્રહ કર્યો.
જી-20 સંમેલન દરમિયાન પીએમ મોદીએ કહ્યું કે, આ આર્થિક અને આર્થિક મુદ્દાઓને દૂર કરવા એક મંચ બનાવવામાં આવ્યું છે. પીએમએ કહ્યું કે, કેટલાક સ્તરો પર વૈશ્વિકકરણે આપણને નિષ્ફળ કરી દીધા છે, પછી ભલે તે આતંકવાદ હોય કે જળવાયુ પરિવર્તનનો મુકાબલો કરવાનો હોય.