ઉત્તર પ્રદેશના નોઈડાના જારચા પોલીસ સ્ટેશનમાં મંગળવારે મોડી રાત્રે લૉકડાઉન દરમ્યાન લૂડો (Ludo) ગેમ રમતી વખતે એક વ્યક્તિને ખાંસી આવી હતી. જેની બાદ અન્ય યુવકે કોરોના ફેલાવાની વાત કહીને તેને ગોળી મારી દીધી હતી.
લુડો રમતા રમતા એક વ્યક્તિને ખાંસી આવી થયુ આવુ
યુવકે પોતાના મિત્રને ગોળી મારી દીધી
ગોળી પગે વાગી હોઈ યુવકને સારવાર માટે ખસેડાયો
કોરોના વાયરસે સમગ્ર દુનિયામાં કહેર મચાવ્યો છે. દેશમાં લોકડાઉનને લીધે લોકો ઘરમાં રહેવા મજબૂર થયા છે. ત્યારે ગ્રેટર નોઈડામાં એક હચમચાવી દેનારી ઘટના બની છે. જેમાં મંગળવારે મોડી રાતે લોકડાઉન દરમિયાન 4 મિત્રો લૂડો રમી રહ્યા હતા. આ દરમિયાન એક યુવકે બીજા યુવકે ગોળી મારી દીધી હતી.
આ રીતે બની ઘટના
ગંભીર હાલતમાં યુવકને ગ્રેટર નોઈડાના એક હોસ્પિટલમાં દાખલ કરવામાં આવ્યો છે. પોલીસ અધિકારી રાજેશ કુમાર સિંહે જણાવ્યું કે દયા નગરમાં ગઈ રાતે જય, વીર ઉર્ફે ગુલ્લુ, પ્રવેશ અને પ્રશાંત 4 મિત્રો મંદિર પાસે બેઠી લૂડો રમી રહ્યા હતા. આ દરમિયાન પ્રશાંતને ખાંસી આવી હતી. ત્યારે ગુલ્લુ અને તેના બીજા બે મિત્રોએ તેને કહ્યું કે તે ખાંસીને કોરોના ફેલાવી રહ્યો છે. આ વાતને મન પર લઈ મિત્રો વચ્ચે ઝઘડો થયો હતો. તેમણે જણાવ્યુ હતું કે ગુલ્લુએ ગુસ્સામાં આવી પ્રશાંત પર ગોળી ચલાવી દીધી હતી.
ગોળી વાગતા યુવક જમીન પર પછડાયો
પગમાં ગોળી વાગતા ઘાયલ પ્રશાંત જમીન પર પછડાયા બાદ તળફળિયા મારી રહ્યો હતો. ગોળીના અવાજથી આસપાસના લોકો ઘટના સ્થળે ભેગા થઈ ગયા હતા. તેમજ ઘાયલ પ્રશાંતને હોસ્પિટલ દાખલ કર્યો હતો. ઘટના બાદ આરોપી યુવક ઘટના સ્થળેથી ફરાર થઈ ગયા હતો.
આટલુ કરવું ફરજિયાત છે
ઉલ્લખનીય છે કે ખાંસી ખાવાથી , છિંકવાથી કોરોના ફેલાય છે. જેથી સોશિયલ ડિસ્ટન્સિંગ ન રાખનાર તથા માસ્ક પહેર્યા વગર બહાર નિકળનાર સામે ગુનો દાખલ થઈ શકે છે.