ઓમિક્રોન અને ડેલ્ટા ભેગા મળીને સુપર વેરિયન્ટ પેદા કરી શકે
હાલમાં ઓમિક્રોન અને ડેલ્ટાના કેસ આવી રહ્યાં છે
અરસપરસ DNA બદલી શકે છે વાયરસ
મોડર્નાના ચીફ મેડિકલ ઓફિસર ડોક્ટર પોલ બર્ટને જણાવ્યું કે જો ઓમિક્રોન અને ડેલ્ટા સ્ટ્રેન મળીને કોઈને સંક્રમિત કરે તો કોરોનાના નવો સુપર વેરિયન્ટ બની શકે છે. બ્રિટનમાં ડેલ્ટા અને ઓમિક્રોનની આઉટબ્રેક સ્પીડે સુપર વેરિયન્ટની આશંકા વધારી દીધી છે.
અરસપરસ DNA બદલી શકે છે વાયરસ
ડોક્ટર બર્ટને જણાવ્યું કે સામાન્ય રીતે મનુષ્ય કોરોનાના એક વેરિયન્ટથી સંક્રમિત થાય છે, કેટલાક ખાસ કિસ્સામાં બે સ્ટ્રેન પર એક જ સમયે સંક્રમિત કરી શકે છએ. જો ડેલ્ટા અને ઓમિક્રોન બન્ને એક સેલને સંક્રમિત કરે તો અરસપરસ ડીએનએમાં અદલાબદલી કરી શકે છે. આ બન્નેના મિક્સ થવાથી કોરોનાનો એક નવો સુપર સ્ટ્રેન બની શકે છે.
બન્ને વાયરસ અરસપરસ જીન શેર કરીને સ્વેપ કરી શકે
તેમણે કહ્યું કે બન્ને વેરિયન્ટ ભેગા થતા તે પહેલા કરતા પણ વધારે ખતરનાક બની શકે છે. બન્ને વાયરસ અરસપરસ જીન શેર કરીને સ્વેપ કરી શકે છે. ન્યૂ સાઉથ વેલ્સ યુનિવર્સિટીના વાયરોલોજિસ્ટ પીટર વ્હાઇટે પણ આ મહિને સુપર સ્ટ્રેઇન ઉભરી રહેવાની ચેતવણી આપી હતી. બ્રિટિશ આરોગ્ય નિષ્ણાતોએ જાન્યુઆરીમાં સ્પેનમાં કેટલાક કેસ નોંધ્યા હતા જેમાં આલ્ફા સ્ટ્રેઇન અને બી.૧.૧૭૭ સ્ટ્રેઇન સાથે જોડાયા હતા. કેલિફોર્નિયાના વૈજ્ઞાનિકોએ પણ ફેબ્રુઆરીમાં અહેવાલ આપ્યો હતો. તેઓએ એક સ્ટ્રેનની ઓળખ કરી હતી જેમાં કેન્ટ સ્ટ્રેઇન અને બી.૧.૪૨૯ સાથે જોડાયા હતા.
બ્રિટનમાં છેલ્લા ત્રણ દિવસથી 11,708 લોકો ઓમિક્રોન સંક્રમિત
બ્રિટનમાં છેલ્લા ત્રણ દિવસથી ઓમિક્રોનના 11,708 કેસ નોંધાયા છે. બ્રિટનમાં રેકોર્ડબ્રેક સંખ્યામાં કોરોના કેસો આવી રહ્યાં છે. નવા મળેલા કેસોમાં દર પાંચમાંથી એક કેસ ઓમિક્રેન વેરિએન્ટનો છે.
91 દેશોમાં ફેલાયો કોરોનાનો નવો વેરિયન્ટ ઓમિક્રોન
91 દેશોમાં ફેલાયેલા નવા વેરિએન્ટનીઅત્યાર સુધીમાં 91 દેશોમાં પુષ્ટિ થઈ છે. ડેનમાર્કમાં 9,009, નોર્વેમાં 1,792 અને દક્ષિણ આફ્રિકામાં 1,247 કેસ મળી આવ્યા છે. ભારતમાં પણ આ વેરિએન્ટ 100નો આંકડો પાર કરી ગયો છે. નીતિ આયોગે ચેતવણી જારી કરી છે કે જો બ્રિટનની જેમ ભારતમાં ચેપ ફેલાશે તો દરરોજ 14 લાખ કેસ નોંધાશે.
ઓમિક્રોન વેરિઅન્ટનો વિશ્વમાં દાવાનળની જેમ ફેલાવો
કોરોના વાયરસનું ઓમિક્રોન વેરિઅન્ટ વિશ્વમાં દાવાનળની જેમ ફેલાઈ રહ્યું છે. નિષ્ણાતો કહે છે કે લક્ષણો હળવા હોવા છતાં પણ મોટી સંખ્યામાં લોકો સંક્રમિત થઈ શકે છે અને તેમને હોસ્પિટલમાં જવું પડે છે. આમાં ઘણા લોકો પોતાનો જીવ પણ ગુમાવી શકે છે. નિષ્ણાતોએ આ ચેતવણી એવા સમયે આપી છે કે ઓમિક્રોનના કારણે બ્રિટનમાં 1 વ્યક્તિનું મોત થયું છે અને 10 લોકો હોસ્પિટલ પહોંચ્યા છે.