સોશ્યલ મીડિયા / આરોગ્ય સેતુ એપ મુદ્દે રાહુલ ગાંધીના જવાબમાં ભાજપે એવી તો શું ટ્વીટ કરી કે ડિલીટ કરવી પડી?

• રાહુલ ગાંધીએ આરોગ્ય એપ પર સવાલ ઉભા કર્યા
• ભાજપે રાહુલ ગાંધીને ટ્વીટ પર જવાબ આપ્યો પછી તેને હટાવ્યો
• ભાજપે પાણીની ટાંકી પર ગધેડો બતાવી લખ્યુ સવાલ એ નથીં કે આ કેવી રીતે ઉતરશે, સવાલ એ છે કે આને કોણે ચઢાવ્યો

ખરેખર, કેન્દ્ર સરકાર તરફથી, આરોગ્ય સેતુ એપ્લિકેશન કોરોના વાયરસ સામેની લડતમાં ખૂબ મહત્વની હોવાની ગણાવવામાં આવી છે. સરકાર સતત લોકોને આરોગ્ય સેતુ એપ્લિકેશન ડાઉનલોડ કરવા અપીલ કરી રહી છે. આ દરમિયાન કોંગ્રેસના પૂર્વ અધ્યક્ષ રાહુલ ગાંધીએ આરોગ્ય સેતુ એપ્લિકેશન પર ટ્વીટ કરીને પ્રશ્નો ઉભા કર્યા હતા અને ડેટા સુરક્ષા અને પ્રાઈવસી અંગે ચિંતા વ્યક્ત કરી હતી.

રાહુલ ગાંધીના આ ટ્વિટ પર ભારતીય જનતા પાર્ટીના સત્તાવાર ટ્વિટર હેન્ડલ પરથી એક ટ્વીટ કરવામાં આવ્યું હતું. આ ટ્વીટ પોસ્ટ કરતી વખતે સવાલ પૂછવામાં આવ્યો કે 'શું કહેશો?' વળી, ટ્વીટમાં એક ફોટો પણ મૂક્યો હતો. જો કે, આ ટ્વીટને ભાજપ દ્વારા તેના ટ્વિટર હેન્ડલથી થોડીવાર પછી હટાવવામાં આવ્યું હતું. આ ટ્વિટમાં પાણીની ટાંકીની ઉપર એક ગધેડો છે.  ટાંકી ઉપર કોંગ્રેસ લખ્યું છે.’

આરોગ્ય સેતુ એપ પર રાહુલનો સવાલ

રાહુલ ગાંધીએ આરોગ્ય સેતુ એપ પર સવાલો ઉઠાવ્યા છે. રાહુલ ગાંધીએ કહ્યું, 'આરોગ્ય સેતુ એપ્લિકેશન એક જાસૂસી મોનિટરિંગ સિસ્ટમ છે, જે કોઈ ખાનગી ઓપરેટર દ્વારા આઉટસોર્સ કરવામાં આવી છે, જેમાં સંસ્થાકીય દેખરેખ નથી. આ ગંભીર ડેટા સુરક્ષા અને ગોપનીયતાની ચિંતાઓ ઉભી કરે છે.