કોરોના મહામારીના કારણે ઉદ્યોગો વિપરિત અસર પડી છે. કારણ કે, કોરોનાના કારણે લોકોની ખરીદશક્તિ ઘટી છે તો તેની સામે રિયલ એસ્ટેટ ગંભીર નાણાંકીય તરલતાનો સામનો કરી રહ્યું છે. ત્યારે બાંધકામ ઉદ્યોગમાં વપરાતા મહત્ત્વના રો-મટિરિયલ ભાવમાં તીવ્ર વધારો થયો છે. જેના કારણે ડેવલપરોની ચિંતિત વધી છે.
મહામારીનો માર રિયલ એસ્ટેટ પર
રો-મટિરિયલના વધ્યા ભાવ
રો-મટિરિયલના ભાવ વધતા બિલ્ડરોની વધી ચિંતા
કોરોના મહામારીના કારણે રિયલ એસ્ટેટને ગંભીર અસર થઇ છે ત્યારે બાંધકામ ઉદ્યોગમાં વપરાતા મહત્ત્વના રો-મટિરિયલ જેવાં કે સ્ટીલ, સિમેન્ટ, ઇંટ અને બ્લોક્સના ભાવમાં ધરખમ વધારો થતાં ડેવલપરો ચિંતિત બન્યાં છે. દિવાળી બાદ સ્ટીલના જે સળિયા બાંધકામમાં વપરાય છે તેના ભાવમાં પ્રતિ ટન રૂ. 6,000 જેટલો વધારો થતાં બિલ્ડરોની ચિંતા વધી ગઈ છે. બિલ્ડરો એવું માની રહ્યા છે કે, આ ભાવ વધારાની સીધી અસર મકાનોના ભાવ પર થશે અને મકાનોના ભાવમાં વધારો થઇ શકે છે.
કોરોના મહામારીના કારણે વિવિધ ઉદ્યોગોની સપ્લાય ચેઇન પર મોટી અસર થઇ છે અને ઉત્પાદન કામગીરી પણ અનિયમિત બની છે. તેના કારણે ભાવ વધારો થઇ રહ્યો હોવાનું ઇંટ ઉત્પાદકો જણાવે છે. ઇંટના ભાવમાં પ્રતિ ઇંટ 50 પૈસાનો વધારો થયો છે. ઉત્પાદકોના જણાવ્યા પ્રમાણે, અપૂરતા કામદારોના કારણે ઉત્પાદન ઘટ્યું છે અને ડિઝલના ભાવ વધારાના કારણે ટ્રાન્સપોર્ટેશન મોંઘું બન્યું છે તે ભાવ વધારાના મુખ્ય કારણ છે.
જોકે, રિયલ એસ્ટેટ ડેવલપરો માને છે કે હાલમાં ભાવ વધારા માટે યોગ્ય સમય નથી અને આ પ્રકારનો ભાવ વધારો કાર્ટેલની શક્યતા પણ દર્શાવે છે. ગાહેડ-ક્રેડાઇએ સરકારને આ ભાવ વધારા મુદ્દે હસ્તક્ષેપ કરવા અપીલ કરી છે કારણ કે આ પ્રકારના ભાવ વધારાની અસરે સરકારી પ્રોજેક્ટ્સના ખર્ચ પણ ઊંચા જાય છે.
હાલ લોકોની આમદન ઓછી થય છે. જ્યારે બીજી તરફ રિયલ એસ્ટેટમાં મોંઘવારી વધી રહી છે. જેની અસર બિલ્ડરોની સાથે-સાથે ઘર ખરીદવા ઈચ્છતા લોકો પર સીધી જ પડશે. જોકે આમાંથી લોકોને કેવી રીતે રાહત મળશે તે તો આવનાર સમય જ બતાવશે.