coronavirus / કોરોનાથી વિશ્વભરમાં 2800ના મોત, જાણો ચીન બાદ કયા દેશમાં સૌથી વધુ અસર

શુક્રવારે બેઇજિંગમાં દરેક દેશની સરકારના આરોગ્ય વિભાગ દ્વારા અપાયેલા તાજા ડેટા આ પ્રમાણે છે.

વાયરસનો પ્રકોપ: ઈરાન દક્ષિણ કોરિયાના યાત્રીઓ ઉપર પ્રતિબંધ

શુક્રવારે રશિયાએ ઇરાન અને દક્ષિણ કોરિયાથી મોસ્કોની મુસાફરી પર નવા પ્રતિબંધો જાહેર કર્યા છે. કોરોના વાયરસના પ્રકોપથી આ દેશો ગંભીર રીતે પ્રભાવિત છે. 

વડા પ્રધાન મિખાઇલ મિશુસ્તિને શિક્ષણ, રોજગાર, પર્યટન અને પરિવહન માટે રશિયા મુસાફરી કરનારા ઈરાનીઓ માટેના વિઝા પર અસ્થાયી રોક લગાવવાની ઘોષણા કરી છે. આ ઉપરાંત દક્ષિણ કોરિયાથી રશિયા આવતા લોકો પર પ્રતિબંધો લાદવામાં આવ્યા છે.

સત્તાવાર પ્રતિનિધિ મંડળના સભ્યોને આ પ્રતિબંધોથી બાકાત રાખવામાં આવ્યા છે. મોસ્કોએ બુધવારે વધતી જતી ચેપની સંખ્યા વચ્ચે નાગરિકોને ઇટાલી, ઈરાન અને દક્ષિણ કોરિયાની યાત્રા ન કરવાની સલાહ આપી છે. ઘણા દેશોએ તેમના નાગરિકોને ચીન ના વુહાન થી બહાર કાઢ્યા છે જે વાયરસના પ્રકોપથી સૌથી વધુ અસરગ્રસ્ત છે પરંતુ આફ્રિકન દેશોના હજારો વિદ્યાર્થીઓ હજી પણ ત્યાં છે. 

જીનીવા આંતરરાષ્ટ્રીય વાહન પ્રદર્શન આયોજન રદ થયું 

ઓટોમોબાઈલ ઉદ્યોગની મહત્વની ઘટનાઓમાંની એક એવી જિનીવા આંતરરાષ્ટ્રીય વાહન પ્રદર્શન કોરાના વાયરસના ફેલાવાને ધ્યાનમાં રાખીને રદ કરવામાં આવ્યું છે. શુક્રવારે સ્થાનિક વહીવટી તંત્રે આ અંગે માહિતી આપી હતી. 

કોરોના વાયરસના ચેપને ધ્યાનમાં રાખીને સ્વિટ્ઝર્લન્ડએ મોટી સંખ્યામાં લોકોને એકત્રિત કરવા વાળા કાર્યક્રમો પર પ્રતિબંધ મૂક્યો છે. શહેરના વહીવટના વડા જીનોવા એન્ટોનિયો હોજર્સે ટ્વિટ કર્યું છે કે જિનીવા આંતરરાષ્ટ્રીય વાહન પ્રદર્શન યોજવામાં આવશે નહીં.