ખુલાસો / ચીનમાં કોરોનાના કેસ કેમ ઓછા? વુહાનમાં 5 મહિના સુધી ફસાયેલા યુવકે જણાવ્યું કારણ

• વુહાનમાં 5 મહિના સુધી ફસાયેલા યુવકોએ કર્યો ખુલાસો
• પરિવારને મળવા ગયેલો 31 વર્ષીય શીલુ 141 દિવસ વુહાનમાં ફસાયો હતો
• ચીનના લોકો આજ્ઞાકારી હોવાથી કોરોના ઝડપથી કાબૂમાં આવ્યો
• ચીનમાં પાડોશી નિયમ તોડે તો લોકો અધિકારીઓને જાણ કરી દે છે

લંડનમાં રહેનારા એક ચીની નાગરિકે વુહાનમાં કોરોનાની મહામારીને લઈને કરવામાં આવેલી કામગીરીની એક સ્ટોરી શેર કરી છે. વુહાનમાં જ્યારે કોરોના ચરમ સીમાએ હતો ત્યારે આ યુવક લગભગ 5 મહિના ત્યાં ફસાયો હતો.

 પરિવારને મળવા ગયેલો 31 વર્ષીય શી લૂ મહામારીને લીઘધે 141 દિવસ સુધી ત્યાં ફસાયો હતો. તેમનું કહેવું છે કે ચીને કોરોના પર સૌથી સારી રીતે કાબુ મેળવ્યો છે. કેમ કે ત્યાના લોકો આજ્ઞાકારી અને નિયમોને માનનારા છે. પ્રતિબંધો અને આઝાદી પર ચાલી રહેલી ચર્ચા પર તેણે કહ્યું કે જો કોઈ માણસ બચશે જ નહીં તો માનવાધિકારનો સવાલ જ નહી રહે.

કોરોના ફેલાયાના 76 દિવસ બાદ વુહાનમાં કડક પ્રતિબંધો હતા. તેણે કહ્યું કે લોકો સોશિયલ ડિસ્ટન્સિંગથી માંડીને માસ્કથી લઈ તમામ સરકારી નિયમોનું પાલન કરે છે. પડોશીઓ દ્વારા કોઈ નિયમ ભંગ કરે તો લોકો અધિકારીઓને માહિતી આપતા હતા. લોકડાઉનમાં લૂએ પોતે પણ એમ કર્યુ હતુ.

શી લૂએ કહ્યું કે જો એન્ટી માસ્ક અને એન્ટી રસી અભિયાન ચાલતુ રહ્યુ તો કોરોનાની ત્રીજી નહીં પણ ચોથી લહેર પણ આવશે અને લોકડાઉન કરવું પડશે. અને આવનારી ઋતુમાં પણ આવશે. લૂની પત્ની લંડનમાં જ રહે છે. 141 દિવસ સુધી ત્યાં લૂ ચીનમાં ફસાય બાદ લંડન પાછા ફર્યા હતા. ઉલ્લેખનીય છે કે વુહાનમાં થયેલા લોકડાઉનને દુનિયાનું સૌથી મોટુ લોકડાઉન ગણાવવામાં આવ્યું હતુ.