મહામારી / કેન્દ્રની ટીમના ગુજરાતમાં ધામા, કહ્યું તંત્ર નહીં લોકોની બેદરકારીને કારણે કોરોના વકર્યો

• કેન્દ્રીય આરોગ્યની ટીમ અમદાવાદમાં 
• SVP હોસ્પિટલમાં અધિકારીઓ ની વિઝીટ 
• તમામ દર્દીઓનું નિરીક્ષણ કરાયું 

કેન્દ્રમાંથી રાષ્ટ્રીય વિકાસ નિગમના ડાયરેક્ટર (NCDC) ડૉ. એસ.કે સિંઘના વડપણ હેઠળ ટીમ ગુજરાતમાં પરિસ્થિતિની સમીક્ષા કરવા માટે આવી પહોંચી છે. કોરોનાનું સંક્રમણ રોકવાની વિશેષ જવાબદારી ડો.એસ.કે.સિંઘને સોંપવામાં આવી છે. 

SVP હોસ્પિટલની મુલાકાત લીધી 

કેન્દ્ર આરોગ્ય ટીમે  SVP હોસ્પિટલની મુલાકાત લીધી હતી. ત્યાર બાદ ડૉ. સુજીત કુમારે મીડિયાને બ્રીફ કરતાં જણાવ્યું હતું કે અધિકારીઓ સાથે બેઠક કરીશું અને બે દિવસ સુધી ગુજરાતમાં રહીશું. હજુ અમે વડોદરા અને અન્ય જિલ્લામાં સ્થિતિની પણ મુલાકાત લઇશું.

લોકોની બેદરકારીને કારણે વકર્યો કોરોના : ડૉ. સુજીત કુમાર

કેન્દ્રીય આરોગ્યની ટીમના અમદાવાદમાં ધામા. ડો સુજીત કુમારે કહ્યું બે દિવસ ગુજરાતમાં રહીશું અને વડોદરા સહીતના જિલ્લામાં પણ જઈશું. તંત્રને દોષ ન આપી શકાય, પ્રજા જ દિવાળી માટે નીકળી અને દેશમા ફરી કોરોના વકર્યો@MoHFW_GUJARAT @CMOGuj #Ahmedabadcurfew #AhmedabadCoronaCase pic.twitter.com/ho7aQvfosb

— VTV Gujarati News and Beyond (@VtvGujarati) November 21, 2020

કેન્દ્રની ટીમે કહ્યું હતું કે દિવાળીમાં થયેલી લોકોની ભીડને કારણે કોરોના વકર્યો છે. તહેવારો દરમ્યાન લોકોની બેદરકારીને કારણે આ પરિણામ આવ્યું છે. વધતા જતાં સંક્રમણ માટે તંત્ર નહીં પરંતુ લોકો જવાબદાર છે તેમ પણ તેમણે જણાવ્યું હતું.

3 સભ્યોની ટીમ આવી છે ગુજરાતની મુલાકાતે

ડો. સુજીત કુમારની આગેવાની હેઠળ તેમના સહિત 3 ડૉક્ટરની ટીમ ગુજરાત આવી છે. તેમની સાથે ડો. રામ મનોહર લોહિયા અને ગુજરાત કેડરના IAS અને અમદાવનાદ પૂર્વ મ્યુનિ.કમિશ્નર ડી. થારા પણ મુલાકાતે છે. 

રાજ્યમાં છેલ્લા 24 કલાકમાં નોંધાયા છે 1420 નવા કેસ 

રાજ્યમાં છેલ્લા 24 કલાકમાં નવા 1420 કોરોના વાયરસના પોઝિટિવ કેસ નોંધાયા છે. કોરોના વાયરસના નવા કેસની સામે આજે 1040 દર્દીઓ સાજા થતા કુલ સાજા થયેલા દર્દીઓનો આંકડો 1,77,515 પર પહોંચ્યો છે. આજે 7 દર્દીઓના મોત થતા કુલ મૃત્યુઆંક 3837 પર પહોંચ્યો છે. રાજ્યમાં હાલમાં 13000 એક્ટિવ કેસ છે. રાજ્યમાં રિકવરી રેટ  91.31 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 67,901 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 71,01,057 પર પહોંચ્યો છે.