સાવધાન ! / દેશમાં આ રાજ્યમાં સૌથી વધારે ઓમિક્રોનના કેસ, કોરોનાનાં કુલ કેસની સંખ્યા કરતાં સાજા થનાર દર્દીઓની સંખ્યા વધારે

• દેશમાં કોરોનાના કેસમાં ફરી એક વખત થયો વધારો
• ઓમિક્રોનના કેસો પણ કૂદકે ને ભૂસકે વધી રહ્યાં છે
• છેલ્લાં 24 કલાકમાં કોરોના વાયરસથી 315 લોકોના મોત

છેલ્લાં 24 કલાકમાં 6 હજાર 531 નવા કેસો સામે આવ્યાં

દેશમાં છેલ્લાં 24 કલાકમાં કોરોના વાયરસના 6 હજાર 531 નવા કેસો સામે આવ્યાં છે અને 315 લોકોના મોત થયા છે. દેશમાં અત્યાર સુધી કોરોનાના ઓમિક્રોન વેરિએન્ટના 578 કેસો સામે આવ્યાં છે. જાણો આજે દેશમાં કોરોનાની હાલની સ્થિતિ શું છે. કેન્દ્રીય સ્વાસ્થ્ય મંત્રાલય તરફથી જાહેર કરવામાં આવેલા આંકડા મુજબ, દેશમાં અત્યારે એક્ટિવ કેસોની સંખ્યા 75 હજાર 841 છે. આ મહામારીથી જીવ ગુમાવનારા લોકોની સંખ્યા વધીને 4 લાખ 79 હજાર 997 થઇ છે. આંકડા મુજબ, કાલે 7141 રિકવર થયા છે. ત્યારબાદ અત્યાર સુધી 3 કરોડ 42 લાખ 37 હજાર 795 લોકો સંક્રમણથી મુક્ત થયા છે. 

141 કરોડથી વધુ લોકોને ડોઝ લગાવ્યાં

દેશવ્યાપી રસીકરણ હેઠળ અત્યાર સુધી કોરોના વિરોધી રસીના 141 કરોડથી વધુ ડોઝ લગાવવામાં આવ્યાં છે. ગઇકાલે 29 લાખ 93 હજાર 283 ડોઝ આપવામાં આવ્યાં છે. ત્યારબાદ અત્યાર સુધી વેક્સિનના 141 કરોડ 70 લાખ 25 હજાર 654 લોકોને ડોઝ આપવામાં આવ્યાં છે. 

દેશમાં અત્યાર સુધી ઓમિક્રોનના 578 કેસ નોંધાયા

દેશમાં અત્યાર સુધી ઓમિક્રોન વેરિએન્ટથી 578 લોકો સંક્રમિત થયા છે. ગઈકાલે હિમાચલ પ્રદેશ અને મધ્ય પ્રદેશમાં પહેલી વખત ઓમિક્રોનના કેસ નોંધાયા છે. ત્યારબાદ દેશમાં આ વેરિએન્ટથી સંક્રમિત રાજ્યોની સંખ્યા 19 થઇ છે. સૌથી વધુ કેસ મહારાષ્ટ્ર અને રાજધાની દિલ્હીમાં છે. હિમાચલના મંડીમાં 45 વર્ષની મહિલા ઓમિક્રોનથી સંક્રમિત થઇ છે. તો એમપીના ઈન્દોરમાં ઓમિક્રોનથી 8 લોકો સંક્રમિત થયા છે.