છેલ્લા કેટલાક દિવસોમાં ભારતમાં કોરોના વાયરસ દરરોજ નવા રેકોર્ડ બનાવી રહ્યો છે. શુક્રવારે દેશમાં 24 કલાકમાં કોરોનાના 81 હજાર, 466 નવા કેસ નોંધાયા છે.
સમગ્ર દેશમાં કોરોના વાયરસે હાહાકાર મચાવ્યો
દેશમાં 24 કલાકમાં 81,466 નવા કેસ નોંધાયા
2021માં એક દિવસમાં સૌથી વધુ કેસ
છેલ્લા 24 કલાકમાં દેશમાં 469 દર્દીઓના મોત થયા. નવા વર્ષમાં એક જ દિવસમાં દાખલ થનારા નવા કેસોમાં આ સૌથી મોટા આંકડા છે. ગુરૂવારે 72,330 નવા કેસ નોંધાયા હતા. એટલે નવા કેસમાં એક જ દિવસમાં 9 હજારનો ઉછાલો છે.
સ્વાસ્થ્ય મંત્રાલયના અનુસાર, દેશમાં કોરોનાના 6 લાખથી વધુ એક્ટિવ કેસ છે. અત્યાર સુધીમાં કુલ 1,63,396 મોત થઇ ચૂક્યા છે. શુક્રવાર સાંજ સુધીમાં દેશમાં રસીકરણ 7 કરોડનો આંકડો પાર કરી ગયું છે. કેન્દ્રીય સ્વાસ્થ્ય મંત્રાલયના અનુસાર, અત્યાર સુધીમાં દેશમાં કોરોના વેક્સિનના 7 કરોડથી વધુ ડોઝ લગાવાઇ ચૂક્યા છે.
શુક્રવારે કેન્દ્રીય કેબિનેટ સચિવ રાજીવ ગૉબાએ રાજ્યો અને કેન્દ્ર શાસિત પ્રદેશોની સાથે એક સમીક્ષા બેઠક કરી હતી, જેમાં કહેવામાં આવ્યું કે, 11 રાજ્ય અને કેન્દ્રશાસિત પ્રદેશોમાં પરિસ્થિતિ ચિંતાજનક છે. ખાસ કરીને મહારાષ્ટ્ર, પંજાબ અને છત્તીસગઢમાં પરિસ્થિતિ સૌથી ખરાબ છે. કેન્દ્રીય કેબિનેટ સચિવે કહ્યું કે, કોરોનાના કેસમાં વૃદ્ધિ દર જૂન 2020 5.5 ટકાથી માર્ચ 2021માં વધીને 6.8 ટકા થઇ ગયો છે. મોતમાં પણ 5.5 ટકા વૃદ્ધિ નોંધાઇ છે. સપ્ટેમ્બર 2020માં જ્યારે કોરોના પીક પર હતો તે સમયે દેશમાં 97,000 ડેઇલી કેસ નોંધાઇ રહ્યા હતા. રોજના કેસની સંખ્યા ફરી વદી રહી છે અને આ 81,000 પર પહોંચી ગઇ છે.