ચીનમાં શનિવારે કોરોના વાયરસનાં નવા કેસમાં ભારે ઘટાડો નોંધાયો, જોકે વિશ્વ સ્વાસ્થ્ય સંગઠને કહ્યું છે કે અત્યારે કોઈ પણ ભવિષ્યવાણી કરવી ઉતાવળ સાબિત થશે કારણે બીજા દેશોમાં કોરોના વાયરસ ખૂબ ઝડપથી ફેલાઈ રહ્યો છે. ચીનમાં શનિવારે 397 નવા કેસ નોંધવામાં આવ્યા છે. બીજી તરફ દક્ષીણ કોરિયા, ઈરાન, ઇટલી અને લેબનોનમાં આ વાયરસ ઝડપથી ફેલાઈ રહ્યો છે.
ચીનમાં ઘટ્યા કોરોના વાયરસના નવા નોધાયેલા કેસ
વર્લ્ડ હેલ્થ ઓર્ગેનાઈઝેશને અન્ય દેશોમાં વધી રહેલા ખતરા પર દર્શાવી ચિંતા
વર્લ્ડ હેલ્થ ઓર્ગેનાઈઝેશનને અત્યાર સુધી 75,569 કેસની જાણકારી મળી
ચીનની બહાર સૌથી વધારે કેસ દક્ષીણ કોરિયામાં નોંધાયા છે. દક્ષિણ કોરિયામાં 556 લોકો કોરોના વાયરસથી પીડાઈ રહ્યા છે. અને આ આંકડો 1000ને પાર જઈ શકે છે. ઈરાનમાં શનિવારે 10 નવા કેસ નોંધવામાંઆવ્યા છે અને 2 લોકોનું મોત નીપજ્યું છે.
વર્લ્ડ હેલ્થ ઓર્ગેનાઈઝેશને ચીનમાં ઘટી રહેલા નવા કેસોની સંખ્યા પર આનંદ વ્યક્ત કર્યો છે પરંતુ બીજા દેશોમાં વધી રહેલા વાયરસના કારણે ચિંતા પણ વ્યક્ત કરી છે. વર્લ્ડ હેલ્થ ઓર્ગેનાઈઝેશનનાં ટેદ્રોસ અદનોમે કહ્યું કે તેમની ચિંતા નબળા સ્વાસ્થ્ય સુવિધા ધરાવતાં દેશોમાં વધી રહેલા કોરોના વાયરસનાં ખતરા પર છે.
વર્લ્ડ હેલ્થ ઓર્ગેનાઈઝેશનને અત્યાર સુધી 75,569 કેસની જાણકારી મળી છે જયારે 2239 લોકોએ જીવ ગુમાવ્યા છે. જાપાનમાં શનિવારે 14 નવા કેસ નોંધાતા ટોક્યો ઓલમ્પિકના આયોજન પર પણ સવાલો ઉભા થઇ રહ્યા છે.
ઇટલીના 12 શહેરોને સંપૂર્ણ રીતે બંધ કરાવી દેવામાં આવ્યા છે. વાયરસનાં કારણે લોમ્બાર્ડી અને વેનેતોમાં સ્થાનીય સ્કૂલ, ઉદ્યોગ અને રેસ્ટોરન્ટ બંધ કરવાના આદેશ આપવામાં આવ્યા છે.