મહામારી / ચિંતા વધી! ઉત્તર ગુજરાતના આ જિલ્લામાં બિલ્લી પગે વકરી રહ્યો છે કોરોના, તંત્રએ લીધો મોટો નિર્ણય

• મહેસાણામાં કોરોનાનું વધ્યું સંક્રમણ
• સતત બીજા દિવસે 100થી વધુ કેસ
• એક્ટિવ કેસની સંખ્યા 361 પર પહોંચી

જિલ્લામાં 237 દિવસો બાદ કોરોના કેસનો આંકડો 100 ને પાર પહોંચ્યો છે. હાલમાં જિલ્લામાં કુલ એક્ટિવ કેસ વધી ને 361 થયા છે. જેને ધ્યાને રાખીને જિલ્લા આરોગ્ય અને વહીવટી તંત્ર એલર્ટ મોડમાં છે. જિલ્લા કક્ષાએ વોર રૂમ અને દરેક તાલુકામાં ઇન્ટરનલ કન્ટ્રોલરૂમ શરૂ કરાયા છે. 

મહેસાણામાં વધ્યા કેસ

કોરોના ના કેસ મુદ્દે જિલ્લામા THO અને DDO દરરોજ સાંજે મિટિંગ કરીને એનાલીસિસિસ કરી રહ્યા છે. દરેક ગામોમાં બહાર થી આવતા લોકોની યાદી બનાવવા સરપંચ અને તલાટી ને આરોગ્ય વિભાગે ખાસ સૂચના આપી છે. એક અંદાજ મુજબ અમદાવાદમા કેસો વધતા તેની સીધી અસર મહેસાણામાં જોવા મળે છે અને મહેસાણામાં કેસો વધવા લાગે છે. 

કડીમાં શરૂ થયાં ટેસ્ટિંગ સેન્ટર 

અમદાવાદથી નજીક આવેલ કડીમાં પણ કોરોના કેસ વધતા કડીના કોરોના કેસો વધતા કડીમાં 10 ટેસ્ટિંગ સેન્ટર શરૂ કરાયા છે. કોવિડ વાયરસ સંક્રમણ અટકાતી પગલાંના ભાગ રૂપે મહેસાણા જિલ્લામાં નવતર પ્રયોગ પણ શરૂ કરાયો છે. જેમાં ખાનગી તબીબો “કોવિડ-19 શંકાસ્પદ લક્ષણો ધરાવતા દર્દીની ટેસ્ટીંગ રીફર સ્લીપ” આપશે જેનાથી સર્વલન્સ કરી શકાશે.

ગુજરાતમાં કોરોનાની સ્થિતિ 

ગુજરાતમાં આજે ફરી કોરોનાએ ચિંતા વધારી છે. રાજ્યમાં આજે 7476 નવા કોરોનાના કેસ નોંધાયા છે. જ્યારે 2704 દર્દી સાજા થયા છે. 37238 એક્ટિવ કેસ છે, જેમાંથી 34 દર્દી વેન્ટીલેટર પર છે અને 37204 દર્દી સ્ટેબલ છે. આજે 3 દર્દીના મોત થયા છે. અત્યાર સુધીમાં 828406 દર્દી સાજા થઇ ચૂક્યા છે. તો કુલ 10132 દર્દીના મોત થઇ ચૂક્યા છે. રાજ્યનો રીકવરી રેટ દિવસેને દિવસે ઘટી રહ્યો છે, હાલ 94.59 ટકા પર પહોંચ્યો છે. આજરોજ 330074 લોકોનું રસીકરણ કરવામાં આવ્યું છે. આજરોજ ઓમિક્રોનનો એકપણ કેસ નોંધાયેલ નથી.

ગુજરાતના 9 જીલ્લામાં ચિંતાજનક કેસમાં વધારો

ગુજરાતના 9 જીલ્લામાં ચિંતાજનક કેસમાં વધારો જોવા મળી રહ્યો છે. આ જિલ્લાઓમાં 100થી વધુ દરરોજના કેસ નોંધાઇ રહ્યા છે. અમદાવાદ શહેર 2861, સુરત શહેર 1988, વડોદરા શહેર 551, રાજકોટ શહેર 244, વલસાડ 189, ભાવનગર શહેર 136, સુરત 136, ગાંધીનગર શહેર 135, કચ્છ 121 અને મહેસાણા 108 કેસ નોંધાયા છે. આ સહિત અન્ય શહેર અને જિલ્લામાં નોંધાયેલા કેસના આંકડા નીચે મુજબ છે.

જેમાં ભરૂચમાં 92, આણંદ 88, જામનગર શહેર 82, રાજકોટ 75, ખેડા 71, નવસારી 69, મોરબી 57, સાબરકાંઠા 56, વડોદરા 55, ગાંધીનગર 47, જામનગર 47, અમદાવાદ 42, સુરેન્દ્રનગર 42, પંચમહાલ 24, જૂનાગઢ શહેર 23, અમરેલી 21, બનાસકાંઠા 21, મહીસાગર 20, ગીર સોમનાથ 19, ભાવનગર 16, દેવભૂમિ દ્વારકા 15, દાહોદ 9, નર્મદા 5, અરવલ્લી 3, જૂનાગઢ 3, તાપી 3, ડાંગ 1 અને પોરબંદરમાં 1 કેસ નોંધાયો છે. જ્યારે આજરોજ બોટાદ, છોટા ઉદેપુર અને પાટણમાં એકપણ કોરોના કેસ નોંધાયેલ નથી.

ઓમિક્રોન કેસની વિગત

ગઇકાલે(10-1-2022) કેટલા કેસ નોંધાયા હતા?

ગુજરાતમાં ગઇકાલે 24 કલાકમાં 6097 નવા કોરોનાના કેસ નોંધાયા હતા. જ્યારે 1539 દર્દી સાજા થયા હતા. 32469 એક્ટિવ કેસ નોંધાયા હતા, જેમાંથી 29 દર્દી વેન્ટીલેટર પર અને 32440 દર્દી સ્ટેબલ જણાયા હતા. તો ગઇકાલે 2 દર્દીના મોત થયા હતા. ગઇકાલે રીકવરી રેટ 95.09 ટકા નોંધાયો હતો.