દુનિયામાં કોરોનાથી સંક્રમિત લોકોની સંખ્યા બુધવારે 2.59 કરોડને પાર થઈ ગઈ છે. જ્યારે મૃતકોની સંખ્યા 8.61 લાખથી વધારે થઈ ચૂકી છે. 1.82 કરોડ લોકો સાજા પણ થઈ ગયા છે. ત્યારે મહામારીથી વધારે પ્રભાવિત દેશ અમેરિકામાં 4.80 લાખ બાળકો સંક્રમિત થયા છે.
અમેરિકામાં 4.80 લાખ બાળકો સંક્રમિત થયા છે
13 ઓગસ્ટે બાળકોમાં 17 ટકાના દરથી સંક્રમણ વધી રહ્યું છે
જોકે બાળકોમાં મૃત્યુ દર 0.3 ટકા જ છે
અમેરિકન એકેડમી ઓફ પીડિયાટ્રિક્સ એન્ડ ચિલ્ડ્રન હોસ્પિટલ એસોશિયેસનની રિપોર્ટમાં કહેવામાં આવ્યું હતું કે દેશમાં 9.5 ટકા બાળકો સંક્રમણથી પીડિત છે. દેશમાં 1 લાખ બાળકોમાં 631 બાળકો સંક્રમિત જોવા મળ્યા છે. ચિંતાની વાત એ છે કે 13 ઓગસ્ટે બાળકોમાં 17 ટકાના દરથી સંક્રમણ વધી રહ્યું છે.
જોકે બાળકોમાં મૃત્યુ દર 0.3 ટકા જ છે. ત્યારે ન્યૂયોર્કમાં વિદ્યાર્થીઓની સુરક્ષાને ધ્યાનમાં રાખીને સ્કૂલોમાં તમામ ધોરણોનો અભ્યાસ એક અઠવાડિયા સુધી સ્થગીત કરી દેવામાં આવ્યો છે. શિક્ષકોએ ચેતવણી આપી છે કે સ્કૂલો ખોલવા માટે હડતાલ કરશે.
ઉલ્લેખનીય છે કે ભારતમાં એક દિવસમાં કોરોનાના સૌથી વધુ કેસ નોંધાયા છે. ભારતમાં એક દિવસમાં કોરોનાના 82 હજાર 860 નવા કેસ નોંધાયા છે. એક દિવસમાં કોરોનાથી 1 હજાર 26 લોકોના મૃત્યુ થયા છે. એક દિવસમાં 67 હજાર 874 લોકો કોરોનાથી સ્વસ્થ થયા છે. રોજ જે રીતે નવા કેસ આવી રહ્યા છે તેને લઈને દેશની ચિંતામાં વધારો કરવામાં આવ્યો છે.