અમેરિકામાં મોતનો આંકડો સતત વધી રહ્યો છે. દુનિયાની મહાશક્તિ ગણાતા દેશમાં આજદીન સુધીમાં મોતનો આંકડો 18 હજારને પાર પહોંચી ગયો છે. જ્યારે કેસ 5 લાખને પાર પહોંચી ગયા છે. અહીં 24 કલાકમાં 2050ના મોત થયા છે. ત્યારે ન્યૂયોર્કમાં હાલત ખૂબ જ ખરાબ છે. અહીં મરનારાની સંખ્યા 7 હજારને પાર પહોંચી છે. ન્યૂયોર્કમાં એવી હાલત છે કે દફનવિધી માટે જગ્યા ન હોવાથી કબ્રસ્તાનમાં સામુહિક દફન વિધી કરવામાં આવી રહી છે.
ન્યૂયોર્કમાં સામુહિક દફન વિધી કરવામાં આવી રહી છે
અમેરિકામાં કેસ 5 લાખને પાર
24 કલાકમાં 2050ના મોત, 33981 નવા કેસ
અમેરિકમાં 24 કલાકમાં 2050ના મોત થયા છે જ્યારે 33981 નવા કેસ નોંધાયા છે . જેને પગલે અમેરિકામાં હાલ 502,876 કેસ નોંધાયા છે. જેમાંથી 172,358કેસ તો માત્ર ન્યૂયોર્કના જ છે. જ્યારે 18,747 લોકોના મોત નિપજ્યા છે . જેમાંથી માત્ર ન્યૂયોર્કમાં જ 7,844 લોકોના મોત થયા છે. અત્યાર સુધીમાં 27,314 લોકો સાજા થઈ ગયા છે. હાલ 456,815 એક્ટિવ કેસ છે.
સોશિયલ મીડિયા પર ન્યૂયોર્કના ફોટોગ્રાફ્સ સતત વાયરલ થઈ રહ્યા છે. અહં હાર્ટ દ્વીપ પર લાશોના ઢગલા પડ્યા છે. મનાઈ રહ્યું છે કે અહીં લાવારિશ લાશોની દફનવિધી કરવામાં આવી રહી છે. મોટી મોટી કબરો ખોદવામાં આવી રહી છે. ન્યૂયોર્કની જેલોમાં બંધ કેદીઓ અઠવાડીમાં ફક્ત એક જ દિવસ કબર ખોદતા હતા. ત્યારે હાલ બહારથી કોન્ટ્રાક્ટર બોલાવીને મોટી મોટી અઠવાડિયમાં 5 દિવસ સામૂહિક કબર ખોદવામાં આવી રહી છે.
ઉલ્લેખનીય છે તે ન્યૂયોર્કમાં નોંધાયેલા કેસ સ્પેન, ઈટલી, ફ્રાન્સ અને જર્મની કરતા પણ વધારે છે. સમગ્ર વિશ્વમાં આજ દીન સુધી 1,698,323 કેસ નોંધાયા છે. મોતનો આંક 1 લાખને પાર થઈ ગયો છે એટલે કે 102,696ના મોત થયા છે. જ્યારે 376,254 લોકો રિકવર થયા છે. જ્યારે હાલ 1,219,373 એક્ટિવ કેસ છે.