સાવધાન / કોરોનાના માહોલમાં મદદ માટે આવતા આવા મેસેજથી ચેતજો, નહીંતર હેરાન થશો

• કોરોનાના કહેર વચ્ચે સાયબર ગઠિયાઓ થયાં સક્રિય
• જોજો ક્યાંક લાલચમાં ન ગુમાવવા પડે નાણા 
• અમદાવાદ પોલીસે સાવચેત રહેવાની કરી અપીલ 

ત્યારબાદથી જ ગરીબ અને નિરાધારને જમવાની તેમજ રહેવાની વ્યવસ્થા પૂરી પાડવા સ્વૈચ્છિક સંસ્થાઓ તેમજ સરકાર આગળ આવ્યાં છે, પરંતુ બીજી તરફ સાયબર ગઠિયાઓ કોરોના વાઈરસ અંગે દર્દીઓને મદદ, ગરીબો માટે ડોનેશન તેમજ કોરોના કેસના લગતા બહાને કે એકાઉન્ટ બનાવીને સાયબર ગઠિયાઓ છેતરપિંડી આચરવા સક્રિય થયા છે, જેથી સતર્ક રહો, સલામત રહો.  

શૈક્ષણિક સંસ્થાઓને સહાયરૂપ થવા કરાઇ અપીલ

હાલમાં 21 દિવસના લોકડાઉનના સમયગાળામાં દૈનિક મજૂરીકામ કરી આજીવિકા રળતા ગરીબ શ્રમજીવી પરિવારને જમવાની વ્યવસ્થા પૂરી પાડવા હેતુ સ્વૈચ્છિક સંસ્થાઓ, વ્યક્તિઓ, મંડળો, એસો‌સિયેશનો, ધાર્મિક સંસ્થાઓ, સામાજિક અને શૈક્ષણિક સંસ્થાઓ વગેરેને સહાયરૂપ થવા અપીલ કરાઈ છે. આવાં કુટુંબને જમવાની વ્યવસ્થા પૂરી પાડવામાં આવે છે, સાથે-સાથે પોલીસ પણ જરૂરિયાતમંદ લોકો માટે રહેવા તેમજ જમવાની વ્યવસ્થા કરે છે.

સાવધાન રહેવાની છે જરૂર

ત્યારે બીજી બાજુ સાયબર ગઠિયાઓ ફિસિંગ કેમ્પેન ચલાવી અનેક છેતરપિંડીના પ્રયત્ન કરી રહ્યા હોવાની પોલીસને જાણ થઇ છે અને આ સાયબર ક્રાઇમ કરનારા કોરોનાના નામ પર ઘણી ફેક વેબસાઇટ અને મોબાઇલ એપ્લિકેશન પણ હાલ સોશિયલ મીડિયામાં ખૂબ જ એક્ટિવ છે. જે કોરોનાની વર્તમાન સ્થિતિ અને દુનિયાભરના કોરોનાના કેસની માહિતી આપવાના બહાને તમારા મોબાઈલ અને કમ્પ્યૂટરને હેક કરી શકે છે અને ગઠિયાઓ તેમની જાળમાં ફસાવીને તમારા ખાતામાંથી રૂપિયા ટ્રાન્સફર કરી દેશે, જેથી ક્યારેય પણ આવા પ્રકારના ફોન કોલ કે ઈ-મેઈલ આવે તો એક વાર ચેક કરી લેવું જોઈએ.

અમદાવાદ પોલીસે પણ ટ્વિટરના માધ્યમથી લોકોને જાગૃતિ માટે કરી અપીલ

હાલમાં અમદાવાદ પોલીસે પણ ટ્વિટરના માધ્યમથી લોકોને જાગૃત કરવા એક પોસ્ટ કરી છે, જેમાં લખ્યું કે કોરોનાના નામ પર ઘણી ફેક અને મોબાઈલમાં એપ્લિકેશન મળશે. આવી વેબસાઈટ પર જવાનું અને મોબાઈલમાં એપ્લિકેશન ડાઉનલોડ કરવાનું ટાળો, સાથે જ કોરોનાના વર્તમાન સમયમાં તેમજ દુનિયાભરના લોકોના કેસની માહિતી આપવાના બહાને તમારાં મોબાઈલ અને કમ્પ્યૂટર હેક થઇ શકે છે.

કોરોનાની વર્તમાન સ્થિતિ તેમજ દુનિયાભરના કોરોના ના કેસ ની માહિતી આપવાના બહાને તમારા મોબાઈલ અને કોમ્પ્યુટર હેક થઇ શકે છે. સતર્ક રહો, સલામત રહો. #AhmedabadPolice pic.twitter.com/9b0P1kPxzI

— Ahmedabad Police (@AhmedabadPolice) March 26, 2020

બીજી એક પોસ્ટમાં લખ્યું કે રાષ્ટ્રીય તથા આંતરરાષ્ટ્રીય હોસ્પિટલ અને મેડિકલ સંસ્થા તરફથી ઇ-મેઇલ આવ્યાનું નાટક રચી ખોટા ઈ-મેઈલથી એટેચમેન્ટ ઓપન કરાવી તથા ડોનેશનના બહાને કોરોના દર્દીઓ માટે જરૂર હોવાનું કહી તમારા ઓનલાઇન પેમેન્ટની માહિતી મેળવી પૈસાની ઉઠાંતરી કરી લેશે, જેથી આ પ્રકારનું કંઈ પણ જાણવા મળે તો પહેલાં ચેક કરવું. જો શંકા થાય તો પોલીસને જાણ કરવી, જેથી સાયબર ગઠિયાની જાળમાં ફસાતાં પહેલાં અથવા ભોગ બનતાં અટકાવી શકાય.