કામની વાત / સેક્સ કે કિસ કરવાથી કોરોના વાયરસ ફેલાય છે? જાણો હેલ્થ એક્સપર્ટ શું કહે છે

• કોરોનાનો હાહાકાર યથાવત્
• સોશિયલ ડિસ્ટન્સિંગને લઈને લોકોના મનમાં ઘણાં પ્રશ્નો છે
• જાણો સેક્સ કરવાથી કોરોના વાયરસ ફેલાય છે કે નહીં

વર્લ્ડ હેલ્થ ઓર્ગેનાઈઝેશનનું કહેવું છે કે, કોરોના વાયરસ સેક્સુઅલ ટ્રાન્સમિટેડ ડિસીઝ નથી. લંડનના ડોક્ટર એલેક્સ જોર્જ કહે છે કે, જો તમે કોઈની સાથે પહેલાંથી જ રિલેશનશિપમાં છો અને એક જ પ્રકારના વાતાવરણમાં રહી રહ્યાં છો તો એ વાતાવરણમાં કોઈપણ પ્રકારનો બદલાવ કરવો નહીં. જોકે, બંને પાર્ટનરમાંથી કોઈનામાં પણ કોરોનાના લક્ષણો જોવા મળે તો એકબીજાની નજીક જવું નહી. 

તમે ભલે એકસાથે રહેતા હો. જો કોઈ લક્ષણ દેખાય તો ઓછાંમાં ઓછું 2 મીટરનું ડિસ્ટન્સ જાળવો. જો તમારામાં અમુક સામાન્ય લાગે એવા પણ લક્ષણો હોય અને તમે તમારા પાર્ટનરથી દૂર નહીં રહો તો તે પણ કોરોના સંક્રમિત થઈ શકે છે.

જોકે, આ સમયે શારિરીક સંબંધો બાંધવાથી બચવું જોઈએ કારણ કે, તેનાથી કોરોનાનો ખતરો વધવાની સંભાવના રહે છે, કારણ કે કેટલાક લોકોમાં કોરોના વાયરસના લક્ષણો ઉપરથી દેખાતા નથી. હાલમાં જ ચીનમાં ઘણાં એવા કેસ જોવા મળ્યા છે, એ લોકોમાં કોરોના વાયરસના કોઈ લક્ષણ નહોતા છતાં તેઓ કોરોના સંક્રમિત હતા. જો તમને એવું લાગતું હોય તો કે તમે સંપૂર્ણપણે ઠીક છો તો પણ આ બીમારીનો ચેપ તમે બીજાને લગાડી શકો છો. એકબીજાની નજીક આવવાથી કે કિસ કરવાથી પણ આ સંક્રમણ ફેલાય શકે છે. 

ડોક્ટર એલેક્સનું કહેવું છે કે, જો તમે કોઈને કિસ કરી છે અથવા તો એવા વ્યક્તિના સંપર્કમાં આવ્યા છો જેમાં કોરોનાના લક્ષણો જોવા મળી રહ્યાં છે તો તમારે તરત જ આઈસોલેટ થઈ જવું અને તમારા લક્ષણો પર ધ્યાન આપવું. જો તમારામાં પણ કોરોનાનો કોઈપણ લક્ષણ દેખાય તો સાવધ થઈ જાઓ અને તરત ડોક્ટરને બતાવી ટેસ્ટ કરાવો.