દેશમાં કોરોના સંક્રમણ વધુ ફેલાઈ રહ્યું છે ત્યારે અનેક દેશમાંથી રાહતના સમાચાર સાથે અનેક જગ્યાએ તેનો આંક ચિંતાજનક સાબિત થઈ રહ્યો છે. સૌથી વધુ સંક્રમિત 5 રાજ્યોથી રાહત મળી છે ત્યારે ગુજરાતમાં કોરોનાનું સંક્રમણ વધ્યું છે. હાલમાં નીતિ આયોગના સભ્ય વી.કે. પૌલે ચિંતા વ્યક્ત કરી છે કે કોરોના વાયરસ હજુ પણ બેકાબૂ બની શકે છે. ખાસ કરીને શિયાળામાં તે ઘાતકી બની શકે છે.
શિયાળામાં વધુ ઘાતકી બનશે કોરોના!
તહેવારોમાં ખાસ ધ્યાન રાખવાની જરૂર
કોવિડથી બચવા ગાઇડલાઇનનું પાલન કરીએ
નીતિ આયોગના સભ્યએ વ્યક્ત કરી ચિંતા
દેશમાં તહેવારોની સીઝન શરૂ થઈ છે ત્યારે કોરોનાના સંક્રમણને લઈને પણ ચિંતા વ્યક્ત કરવામાં આવી રહી છે. કોરોનાનું સંક્રમણ ક્યાંક વધી રહ્યું છે અને ક્યાંક ઘટતું જોવા મળે છે. દેશભરના આંકડા પર નજર કરીએ તો કોરોનાનો કુલ દૈનિક આંક સતત ઘટતો જોવા મળી રહ્યો છે અને સાથે જ સ્થિતિ એવી પણ છે કે અનલોક 5ની સાથે જ કેટલીક જગ્યાઓએ સ્વયંભૂ લોકડાઉન અને ક્યાંક નિયમાનુસાર લોકડાઉન લગાવવું જરૂરી બન્યું છે. આ પરિસ્થિતિ અને આંકડા બંને વિપરિત જોવા મળી રહ્યા છે.
ICMR (इंडियन काउंसिल ऑफ मेडिकल रिसर्च) की दूसरी सीरो सर्वे रिपोर्ट से पता चलता है कि अभी भी काफी आबादी #COVID19 की चपेट में है तो इसलिए हमें पूरी सावधानी बरतनी चाहिए: राजेश भूषण, सचिव, केंद्रीय स्वास्थ्य मंत्रालय https://t.co/2Ltjz3HA4g
ભારતમાં કોરોનાના કેસમાં સતત વધારો થઈ રહ્યો છે પરંતુ એક દિવસમાં નોંધાતા કેસની સંખ્યામાં ઘટાડો જોવા મળી રહ્યો છે. ગઈકાલે દેશમાં એક દિવસમાં 60 હજાર 500 કેસ નોંધાયા હતા. દેશમાં કુલ 62 લાખ 23 હજાર કોરોનાના કેસ જોવા મળ્યા છે. કોરોના બાદ કુલ 51 લાખ 84 હજાર લોકો સાજા થયા છે. હાલ દેશમાં 9 લાખ 40 હજાર કોરોના એક્ટિવ કેસ છે. કોરોનાથી દેશમાં કુલ 97529 લોકોના મૃત્યુ થયા છે તો દેશના 18 રાજ્યોમાં 1 લાખથી વધુ કેસ નોંધાયા છે. સૌથી વધુ મહારાષ્ટ્રમાં 13 લાખ 66 હજાર કોરોના કેસ જોવા મળ્યા છે અને સૌથી ઓછા મિઝોરમમાં 1958 કોરોના કેસ નોંધાયા છે.
વિશ્વમાં પણ કોરોનાનો આતંક યથાવત રહ્યો છે
વિશ્વમાં કોરોના વાયરસનો કહેર યથાવત જોવા મળ્યો છે. વિશ્વમાં કોરોનાના વધુ 2.87 લાખ કેસ નોંધાતા હાહાકાર મચ્યો છે. એક જ દિવસમાં વિશ્વમાં 5843 લોકોના મૃત્યુ થયા છે તો વિશ્વમાં કોરોનાના કુલ 3 કરોડ 38 લાખ 32 હજાર કેસ અત્યાર સુધીમાં નોંધાઈ ચૂક્યા છે. ભારતમાં સૌથી વધુ 80 હજાર 500 કેસ નોંધાયા છે. અમેરિકામાં 4 હજાર 227 કેસ નોંધાયા છે તો બ્રાઝિલમાં પણ 31 હજાર 990 કેસ નોંધાયા છે. રશિયામાં 8 હજાર 232 નવા કેસ નોંધાયા છે અને આર્જેન્ટિનામાં 13 હજાર 477 નવા કેસ નોંધાયા છે. સ્પેનમાં 9 હજાર 906 કેસ અને ફ્રાંસમાં 8 હજાર 51 નવા કેસ નોંધાયા છે.