Coronavirus / બ્રિટનના પ્રિન્સ ચાર્લ્સ બાદ હવે PM બોરિસ જોન્સન પણ કોરોના પોઝિટિવ, આ શખ્સથી સંક્રમિત થયાની આશંકા

• કોરોના વાયરસનો વિશ્વમાં હાહાકાર 
• બ્રિટનના PM બોરીસ જોન્સનને કોરોના પોઝિટિવ

નોંધનીય છે કે, આ પહેલા બ્રિટનના સ્વાસ્થ્ય મંત્રી નદીન ડોરિસ પણ કોરોના વાયરસની ઝપેટમાં આવ્યા છે. માનવામાં આવી રહ્યું છે કે મંત્રીએ વડાપ્રધાન બોરિસ જોહન્સન સાથે પણ મુલાકાત કરી હતી. ત્યારે આજરોજ પ્રધાનમંત્રી જોન્સનને પણ કોરોના પોઝિટિવ આવ્યો છે. 

Over the last 24 hours I have developed mild symptoms and tested positive for coronavirus.

I am now self-isolating, but I will continue to lead the government’s response via video-conference as we fight this virus.

Together we will beat this. #StayHomeSaveLives pic.twitter.com/9Te6aFP0Ri

— Boris Johnson #StayHomeSaveLives (@BorisJohnson) March 27, 2020

પોતાના ટ્વિટર એકાઉન્ટ પર ટ્વીટ કરીને આપી જાણકારી 

પ્રધાનમંત્રી બોરિસ જોન્સને પોતાના સત્તાવાર ટ્વીટર એકાઉન્ટ પર આ જાણકારી શેર કરી હતી. તેમણે લખ્યું કે, છેલ્લા 24 કલાકથી મારામાં કોરોનાના લક્ષણ જોવા મળી રહ્યા છે. હું જાતે જ આઇસોલેટ થયો છું. જો કે, વીડિયો કોન્ફરન્સના માધ્યમ થકી કોરોનાના સામેની જંગમાં સરકારના તમામ કામકાજમાં આગેવાની કરતો રહીશ. 

બ્રિટનના પ્રિન્સ ચાર્લ્સ કોરોનાનો ટેસ્ટ પોઝિટિવ

બ્રિટનના પ્રિન્સ ચાર્લ્સ કોરોનાનો ટેસ્ટ પોઝિટિવ આવ્યો છે. જ્યારે તેમના પત્નીને આઈસોલેશનમાં રાખવામાં આવ્યા છે. અત્યાર સુધીમાં બ્રિટનમાં 8, 077 લોકો કોરોના ગ્રસ્ત છે. જ્યારે 422 લોકોના મોત નિપજ્યા છે.