કામની વાત / ATMમાં કેશ વિડ્રોઅલ માટે જાઓ છો રાખી લો આ સાવધાની, નહીં તો લઈ આવશો કોરોના

• નવા મહિને ATMમાં જતા રાખો સાવધાની
• કેશ વિડ્રોઅલ સમયે ન કરશો આ નાની ભૂલ
• નાની ભૂલથી પણ થઈ શકે છે કોરોના

જો તમે ATMમાં જાઓ છો તો સૌ પહેલાં મોઢું ઢાંકો અને સાથે જ સેનેટાઈઝરથી હાથ સાફ કરી લો, હાથમાં શક્ય હોય તો ગ્લવ્ઝ પહેરી લો. જેથી તમે જ્યારે ATMના પિન નંબર નાંખશો કે અન્ય જગ્યાએ અડશો ત્યારે તેના વાયરસ તમને લાગશે નહીં. જ્યારે તમે રૂપિયા કાઢી લો ત્યારે તમે ગ્લવ્ઝ ફેંકી દો અને સાથે જ ફરીથી તમારા હાથ સેનેટાઈઝરથી સાફ કરી લો. 

• શક્ય હોય ત્યાં સુધી વિચારો કે તમારે ATMનો ઉપયોગ ન કરવો પડે. તમે શક્ય તેટલું ઓનલાઈન ટ્રાન્ઝેક્શન કરો અને સાથે જ તમારી અન્ય ફ્લોટિંગ કેશને હાલમાં વાપરીને કામ ચલાવી શકો છો. 
• ATM રૂમમાં પહેલાં પણ કોઈ છે તો અંદર ન જાઓ. તે વ્યક્તિ બહાર આવે તેની રાહ જુઓ. 
• તમારી સાથે વેટ વાઈપ્સ અને ટિશ્યૂ લઈને ઘરની બહાર જાઓ, ATMમાં લાઈનમાં ઊભા રહેતી સમયે મોઢા, નાક અને ચહેરાને અડવાથી બચો. લાઈનમાં લોકોની સાથે એક મીટરનું અંતર રાખો. 

• ATM ચેમ્બરમાં કંઈ પણ અડવાથી બચો. જો ભૂલથી ક્યાંક અડી જાઓ છો તો તરત જ વાઈપ્સ અને સેનેટાઈઝરથી હાથ સાફ કરો. 
• ATMની લાઈનમાં ઊભા રહેવાના સમયે જો કોઈ જાણીતી વ્યક્તિ મળે તો તેની સાથે હાથ મિલાવવાથી દૂર રહો. ફક્ત નમસ્તે કે હેલો જ કહો. 
• જો તમને શરદી અને ખાંસીની તકલીફ છે તો બહાર ન જાઓ. જો ATMમાં ઊભા રહેતી સમયે છીંક આવે તો તમારા મોઢાને ટિશ્યૂથી ઢાંકો.
• યૂઝ કરેલા ટિશ્યૂ કે માસ્કને ATMના ડસ્ટબિનમાં ના ફેંકો, તેનાથી અન્ય લોકોમાં કોરોનાનું સંક્રમણ ફેલાઈ શકે છે.
• હાલમાં ડિજિટલ સિસ્ટમ સંપૂર્ણ રીતે સારી છે. શક્ય હોય ત્યાં સુધી તમામ પેમેન્ટ અને ટ્રાન્ઝેક્શન ઓનલાઈન જ કરો. 

નોંધ- તમામ ફોટો પ્રતિકાત્મક છે.