કેન્દ્ર સરકારે દેશભરમાં બે દિવસ માટે રેપિડ ટેસ્ટ કીટ પરીક્ષણ પર પ્રતિબંધ મૂક્યો છે. ટેસ્ટ કીટમાં ખામીને લઈને ગંભીર પ્રશ્નો ઊભા થયા બાદ રાજસ્થાન સરકારના રેપિડ ટેસ્ટના પરિણામો ઉપર પ્રશ્નો થયા છે. અને સાથે જ ટેસ્ટ કીટના પરીક્ષણ પર પ્રતિબંધ મૂકવામાં આવ્યો છે. કોરોના રેપિડ ટેસ્ટ કીટ અંગે ઉભા થયેલા પ્રશ્નો અંગે ચીન દ્વારા સ્પષ્ટતા કરવામાં આવી છે.
રેપિડ ટેસ્ટ કીટમાં આવી ગંભીર ખામી
રાજસ્થાને કીટને લઈને કર્યા હતા પ્રશ્નો
કેન્દ્ર સરકારે 2 દિવસ માટે દેશભરમાં રેપિડ ટેસ્ટ કીટ પરીક્ષણ પર લગાવી રોક
કોરોના રેપિડ ટેસ્ટ કીટ અંગે ઉભા થયેલા પ્રશ્નો અંગે ચીન દ્વારા સ્પષ્ટતા કરવામાં આવી છે. ભારતમાં ચીની દૂતાવાસના પ્રવક્તાએ બુધવારે કહ્યું હતું કે નિકાસ કરવામાં આવેલા તબીબી ઉત્પાદનોની ગુણવત્તાને ચીન ખૂબ મહત્વ આપે છે. અમે સંબંધિત ભારતીય એજન્સી સાથે સંપર્કમાં છીએ અને જરૂરી મદદ કરીશું.
તપાસ બાદ જ ફરીથી ટેસ્ટિંગની અપાશે પરમિશન
કેન્દ્ર સરકારે દેશભરમાં બે દિવસ માટે રેપિડ ટેસ્ટ કીટ પરીક્ષણ પર પ્રતિબંધ મૂક્યો છે. ગંભીર પ્રશ્નો ઉભા કર્યા બાદ રાજસ્થાન સરકારની રેપિડ ટેસ્ટના પરિણામો ઉપર પ્રતિબંધ મૂકવામાં આવ્યો છે. હવે કેન્દ્રીય ટીમો આ પરીક્ષણના પરિણામોની ગંભીરતાપૂર્વક તપાસ કરશે, તો જ આગળનું પગલું જાહેર કરવામાં આવશે.
શું છે ઘટના
કેન્દ્ર સરકારે રેપિડ ટેસ્ટ પર બે દિવસનો વિરામ લેવો પડ્યો હતો કારણ કે રાજસ્થાન સરકારે તેના પરિણામો પર પ્રશ્નો ઉભા કર્યા હતા. જયપુરની સવાઈ માનસિંહ હોસ્પિટલમાં દાખલ 168 કોરોના દર્દીઓની રેપિડ ટેસ્ટ કીટથી તપાસ કરવામાં આવી હતી, પરંતુ આ પરીક્ષણમાં માત્ર 5 ટકા દર્દીઓ સકારાત્મક હતા. આ પછી, ગેહલોત સરકારે રાજ્યમાં રેપિડ ટેસ્ટ કીટ પરીક્ષણ બંધ કર્યું હતું.
2 દિવસની રોક લગાવી
ભારતમાં 133 કરોડની વસ્તી સાથે રેપિડ ટેસ્ટને કોરોના પરીક્ષણ માટે એક ગેમ ચેન્જર માનવામાં આવતું હતું. પરંતુ આરોગ્ય મંત્રાલય અને આઇસીએમઆરએ આ પરીક્ષણના પરિણામો પર સવાલ ઉઠ્યા પછી બે દિવસ માટે રેપિડ ટેસ્ટ પર પ્રતિબંધ મૂક્યો છે. આ બે દિવસમાં કેન્દ્રની નિષ્ણાંત ટીમો રેપિડ ટેસ્ટ કીટનું પરીક્ષણ કરશે અને ત્યારબાદ કોઈ નિર્ણય લેવાશે.
કોની પાસે છે કેટલી કીટ?
અત્યાર સુધીમાં દેશના તમામ રાજ્યોમાં લાખો રેપિડ ટેસ્ટ કીટનું વિતરણ કરવામાં આવ્યું છે. દિલ્હીને 42,000 કીટ આપવામાં આવી છે. રાજસ્થાન પણ 10000 કીટ પર પહોંચી ગયું છે. ઉત્તર પ્રદેશમાં 8500 રેપિડ ટેસ્ટ કીટ છે. પંજાબ અને ગુજરાતની પાસે અનુક્રમે 10100 અને 24000 કીટ છે.