કોરોના વાયરસ / કોરોનાથી મોતના આંકડામાં ઇટલીને પાછળ છોડી દેનાર અમેરિકાના કરૂણ દ્રશ્યો, હૈયુ કંપી ઉઠશે

• કોરોના વાયરસનો અમેરિકામાં હાહાકાર
• અમેરિકામાં લોકોના મોતનો આંકડો ઇટલીને પાછળ છોડી દે છે
• ડ્રોન કેમેરાના ફુટેજ મળ્યા

અમેરિકામાં કોરોના વાયરસના કન્ફર્મ કેસની સંખ્યા પણ 5 લાખનો આંકડો આંબનારી છે. ત્યારે કોરોનાથી આટલા મોત થયા છે કે લાશો માટે કબ્રિસ્તાન ઓછું પડી ગયું. ન્યૂયોર્ક જે સૌથી વધુ અસરગ્રસ્ત રાજ્યોમાંનું એક છે, જ્યાં નવા કબ્રિસ્તાન બનાવવામાં આવી રહ્યા છે. ડ્રોન કેમેરાથી મળેલા ફુટેજ બતાવે છે કે લાશોને એક સાથે દફનાવવામાં આવી રહ્યા છે. આ તસવીરો-વીડિયો એટલી ભયાનક છે કે આંખોમાં આંસુ આવી જશે.

પૉલિસી બદલી, દફન થવા લાગી લાશો

ન્યૂયોર્ક સિટીએ હાલમાં જ પૉલિસી ચેન્જ કરી છે. હવે મેડિકલ એગ્ઝામિનર માત્ર 14 દિવસ માટે જ લાશને સ્ટોરેજમાં રાખી શકે છે. ત્યારબાદ તેમને હાર્ટ આઈલેન્ડ સ્થિત કબ્રિસ્તાનમાં દફનાવવામાં આવશે. અહીં અત્યાર સુધી તે લાશો દફનાવવામાં આવે છે જે લાવારિસ મળતી હતી અથવા જેમનો પરિવાર ફ્યૂનર ખર્ચ નથી ઉઠાવી શકતો. પરંતુ હવે કોરોના વાયરસને લઇને અહીં પર દફનાવવામાં આવતા મૃતદેહોની સંખ્યા વધી ગઇ છે. એક સ્થાનિક ન્યૂઝ રિપોર્ટ અનુસાર, અઠવાડિયામાં 1 દિવસના બદલે 5 દિવસ લાશો દફનાવવામાં આવી રહી છે.

(VIDEO Souce : Youtube/The Telegraph)

મૃતદેહો સ્ટોર કરવાની જગ્યા નથી

એરિયલ તસવીરોમાં જોવા મળી રહ્યું છે કે કબર ખોદવાનું કામ ચાલી રહ્યું છે. હોસ્પિટલોમાં લાશો રાખવાની જગ્યા નથી બચી. બહાર રેફ્રિજેરેટેડ ટ્રકોમાં મૃતદેહો રાખવામાં આવી રહ્યા છે. મેયર બિલ ડે બ્લાસિયોએ કહ્યું છે કે, જો મૉચ્યુરી અને ટેમ્પરેરી સ્ટોરેજ યુનિટ્સ ભરાય જશે તો કોરોના વાયરસ પીડિતોને હાર્ટ આઈલેન્ડ પર દફનાવવામાં આવી શકે છે. આ મૃતદેહ અલગ-અલગ દફનાવાશે જેથી પરિવાર બાદમાં દાવો કરી શકે.