વાયરલ / અમદાવાદના આ વિસ્તારમાં ફરી લૉકડાઉન લાગ્યાના ખોટા મેસેજ ફરતા રહીશો ચિંતામાં

• અમદાવાદના રાણીપ વિસ્તારમાં લોકડાઉનનો મેસેજ વાયરલ
• ખોટા મેસેજ વાયરલ થતા રાણીપના લોકો થયા ચિંતિત
• સરકાર દ્વારા લોકડાઉનનો નથી કરાઈ જાહેરાત

પ્રાપ્ત થતી જાણકારી પ્રમાણે, અમદાવાદના રાણીપ વિસ્તારમાં લૉકડાઉન લાગ્યું હોવાના મેસેજ વાયરલ થતા રાણીપના લોકો ચિંતિત થયા છે. મહત્વનું છે કે, હાલમાં અનલોક ચાલી રહ્યું છે અને સરકાર દ્વારા લોકડાઉનની કોઈ જાહેરાત કરવામાં આવી નથી. 

આ પ્રકારના ખોટા મેસેજને ફોરવર્ડ ન કરવા કરાઇ અપીલ 

આપને જણાવી દઇએ કે, અગાઉ સરકાર દ્વારા કહેવામાં આવ્યું હતુ કે સરકાર દ્વારા હવે દેશના કોઈ પણ વિસ્તારમાં લોકડાઉન જાહેર કરવામાં નહીં આવે. VTVના દર્શકોને અમે અપીલ કરીએ છીએ કે, આ પ્રકારના ખોટા મેસેજને ફોરવર્ડ ન કરો. 

અમદાવાદના રાણીપ વિસ્તારમાં લોકડાઉનનો મેસેજ વાયરલ થયો, સરકાર દ્વારા લોકડાઉનનો નથી કરાઈ જાહેરાત. VTV ન્યૂઝ વાયરલ મેસેજને ફોરવર્ડ ન કરવાને કરે છે અપીલ#Ahmedabad #lockdown

— VTV Gujarati News and Beyond (@VtvGujarati) October 24, 2020

છેલ્લા 24 કલાકમાં રાજ્યમાં નવા 1112  કોરોના વાયરસના પોઝિટિવ કેસ

રાજ્યમાં છેલ્લા 24 કલાકમાં નવા 1112  કોરોના વાયરસના પોઝિટિવ કેસ નોંધાયા છે. જેને લઇને કુલ આંકડો 1,65,233 પર પહોંચ્યો છે. મહત્વનું છે કે રાજ્યમાં રિકવરી રેટ વધીને 89.31 ટકા થયો છે. રાજ્યમાં કોરોના ટેસ્ટિગની સંખ્યામાં સતત વધારો કરવામાં આવી રહ્યો છે. રોજના 50 હજારથી વધુ ટેસ્ટ કરવામાં આવી રહ્યા છે. રાજ્યના વસ્તીને ધ્યાને લેતા રોજ આશરે 815 ટેસ્ટ કરવામાં આવે છે. ત્યારે છેલ્લા 24 કલાકમાં 52,947 કોરોનાના ટેસ્ટ કરવામાં આવ્યા જેને લઇને કુલ ટેસ્ટનો આંકડો 56,38,392 પર પહોંચ્યો છે.