કોરોના વાયરસને મ્હાત આપવા માટે રાજ્ય સરકાર દ્વારા સતત કડક પગલા લેવામાં આવી રહ્યા છે, ખાસ કરીને અમદાવાદની સ્થિતિ વધુ નાજૂક છે કારણ કે અહીં કોરોનાના દર્દીઓ વધારે છે ત્યારે અમદાવાદની સ્ટર્લિંગ અને HCG હોસ્પિટલ તંત્ર દ્વારા કોરોના વાયરસના દર્દી પાસેથી 8 લાગ ઉઘરાવવાની એક ક્લિપ વાયરલ થતાં હવે આ મામલે અપક્ષના ધારાસભ્ય જિગ્નેશ મેવાણી મેદાને આવ્યા છે.
અમદાવાદની સ્ટર્લિંગ અને HCG હોસ્પિટલમાં પૈસા ઉઘરાવવાનો મામલો
કોરોનાના કહેર વચ્ચે પૈસા ઉઘરાવવા મામલે જીગ્નેશ મેવાણીની પ્રતિક્રિયા
8 લાખ રૂપિયા ઉઘરાવવા તે ખુબ જ શરમજનક ઘટના છેઃ મેવાણી
કોરોનાના દર્દીઓ પાસે પૈસા ઉઘરાવવા મામલે જીગ્નેશ મેવાણીએ પ્રતિક્રિયા આપી છે કે, કોરોનાના દર્દીઓ પાસે 8 લાખ રૂપિયા ઉઘરાવવા તે ખૂબ જ શરમજનક ઘટના છે. રાજ્યની 90 ટકા જનતા આ હોસ્પિટલના બિલ ભરી શકતી નથી. સરકાર દ્વારા ખાનગી હોસ્પિટલની જેમ સરકારી હોસ્પિટલમાં કેમ સુવિધા ન આપી શકાય.
કોરોનાના તમામ દર્દીઓના બિલ સરકારે ચૂકવવા જોઈએ : મેવાણી
આ સાથે અપક્ષના ધારાસભ્ય જિગ્નેશ મેવાણીએ સરકારને ટકોર કરતા જણાવ્યું હતું કે, કોરોનાના તમામ દર્દીઓના બિલ સરકારે ચૂકવવા જોઈએ. સાથે જ તેમણે હોસ્પિટલના પ્રશાસનને અપીલ કરી કે, હાલમાં દર્દીઓના પરિવારજનો પર કાતર ચલાવવાનો સમય નથી. હોસ્પિટલકર્મીઓએ માનવતા મહકે તેવું કામ કરવાની જરૂર છે.
જાણો, શું છે સમગ્ર મામલો
કોરોનાના કહેર વચ્ચે અમદાવાદની ખાનગી હોસ્પિટલોની દાદાગીરી સામે આવી છે. સરકાર દ્વારા શહેરમાં ખાનગી હોસ્પિટલમાં સારવારની પરવાનગી આપવામાં આવી છે. આ હોસ્પિટલો દ્વારા સરકારની નીતિ વિરુદ્ધ જઈને લાખો રૂપિયા ફી વસુલવામાં આવે છે. અમદાવાદની HCG અને સ્ટર્લિંગ હોસ્પિટલમાં રૂપિયા ઉઘરાવતા હોવાની ઓડિયો ક્લીપ વાયરલ થઈ હતી. કોરોનાના દર્દીઓએ સંપર્ક કરતા ખાનગી હોસ્પિટલો દ્વારા ડિપોઝિટના નામે સાડા લાખ લાખ રૂપિયા વસૂલવામાં આવી રહ્યો છે. સ્ટર્લિંગ હોસ્પિટલમાં ડિપોઝિટ સાડા 8 લાખ રૂપિયા મગાય છે.
જ્યારે HCG હોસ્પિટલમાં પ્રતિદિવસના 50 હજાર રૂપિયા ઉઘરાવવામાં આવે છે. જ્યારે HCGમાં દાખલ થતા પહેલા બે કોરા ચેક પણ આપવા જણાવવામાં આવી રહ્યા છે.. દર્દીના પરિવારજન અને હોસ્પિટલના કર્મચારીઓની ઓડિયો ક્લિપ વાયરલ થતા અનેક સવાલ ઉઠી રહ્યા છે. અમદાવાદમાં કોરોનાનો કહેર વધતા સરકારે ખાનગી હોસ્પિટલને પરવાનગી આપી છે. સરકારની પરવાનગીનો ખાનગી હોસ્પિટલોએ ધંધો બનાવી લીધો હોય તેવુ લાગી રહ્યું છે.