ધમણ મુદ્દે ધમાલ / 5 એપ્રિલે ધમણ લૉન્ચ થયું, પરંતુ સર્ટિફિકેટની અરજી 14 એપ્રિલે કરાઈ, આ ફૅક વેન્ટિલેટર છે : કોંગ્રેસ

• ધમણ-1 મામલે સરકાર પર કોંગ્રેસના પ્રહાર 
• મુખ્યમંત્રીએ ઉતાવળ કરીને ધમણ-1નું લોન્ચિંગ કર્યુ
• ગુજરાત સરકારે પોતાની બેદરકારી છૂપાવવાનો પ્રયાસ કર્યો 

અમિત ચાવડાએ જણાવ્યું કે જે વેન્ટિલેટર ધમણને સિવિલના હેડ ડૉક્ટર કોરોનાની સારવારમાં યોગ્ય નથી ગણતાં એની ક્વોલિટી સારી નથી અને તેનો અખતરો કેમ ગુજરાતી પ્રજા પર કરાયો.સિવિલ હોસ્પિટલમાં થયેલાં છેલ્લા મોટા ભાગના મૃત્યુ આ ધમણના કારણે થયા છે. આ ઉપરાંત ચાવડાએ રૂપાણી સરકારને પ્રશ્ન પુછતાં કહ્યું  કે સરકારે 4 એપ્રિલ ધમણને ગુજરાતમાં લોન્ચ કર્યું અને તેના ક્વોલિટી સર્ટિફિકેટની પ્રોસેસ 10 દિવસ બાદ 14 એપ્રિલ કરી. અઘુરામાં પુરુ ધમણનો વિવાદ સર્જાતા રાતોરાત સર્ટિફિકેટની પ્રોસેસ એક દિવસમાં પુરી કરી દેવાઈ.

આપણને કોઈ ઝેર મફતમાં આપે તો આપણે પી જવું : અમિત ચાવડા 

ચાવડાએ વધુમાં સરકારને આડે હાથ લેતાં કહ્યું કે, નીતિન પટેલ કહે છે કે જ્યોતિ CNCએ સરકારને 1000 ધમણ વેન્ટિલેટર મફતમાં આપ્યા છે. એનો અર્થ એવો નથી કે આપણને કોઈ ઝેર મફતમાં આપે તો આપણે પી જવું. ઉપરાંત મુખ્યમંત્રીએ મિત્રની કંપનીના ધમણ વેન્ટિલેટર મુદ્દે પોતે સ્પષ્ટતા કરવાને બદલે આોગ્ય સચિવને આગળ ધરી સ્પષ્ટતા કરવા મોકલે છે.

કોંગ્રેસ નેતા ડૉ. જીતુ પટેલે મીડિયાને કર્યું સંબોધન 

આ સાથે કોંગ્રેસના નેતા જીતુ પટેલે મીડિયા સંબોધતા કહ્યું કે નિયમો મુજબ વેન્ટિલેટરની પરમિશન DGCI પાસેથી લેવાની હોતી નથી એ વાત સદંતર ખોટી છે માત્ર મેન્યુફેક્ચરિંગની પરમિશન લેવાની હોતી નથી. ક્વોલિટીની પરમિશન લેવાની હોય છે.

સરકારનું સૌથી મોટું બેજવાબદાર નિવેદન

કોંગ્રેસ અગ્રણી જીતુ પટેલે આ મુદ્દે ધમણ 1ને ફેક વેન્ટિલેટર ગણાવીને કહ્યું હતું કે સરકારના નિવેદન પ્રમાણે જેમ સીરિન્જ, નીડલમાં ટેસ્ટની જરૂર નથી તેમ ધમણ વેન્ટિલેટરને પણ ટેસ્ટિંગ કે ટ્રાયલની જરૂર નથી. આ નિવેદન સૌથી મોટું બેજવાબદાર નિવેદન કહી શકાય. તેમણે કહ્યું હતું કે વેન્ટિલેટરથી દર્દીઓને ઓક્સિજન આપીને બચાવી શકાતું હોય છે ત્યારે તે સૌથી મહત્વનું મેડિકલ સાધન છે ત્યારે તેની સાથે કોઈ પણ ચેડાં કે અખતરો ચલાવી ન શકાય. 

ધમણ વેન્ટિલેટર જે ફેક વેન્ટિલેટર છે અને તેની માટે લાયસન્સની જરૂર નથી તેવું ગુજરાત સરકારના આ નિવેદનથી મોટું બેજવાબદાર નિવેદન હોઈ ન શકે : કોંગ્રેસ@Incgujrat @CMOGuj @vijayrupanibjp @AmitChavdaINC @Nitinbhai_Patel @JayantiRavi #Dhaman1 #coronagujarat @AmdavadAMC pic.twitter.com/RkAeaUab4V

— VTV Gujarati News and Beyond (@VtvGujarati) May 20, 2020

શું હતો ધમણ-1નો વિવાદ?

• સ્વદેશી વેન્ટિલેટર ધમણ-1ની ગુણવત્તાનો ઉઠ્યો હતો પ્રશ્ન
• સિવિલના સુપ્રિટેન્ડન્ટે જ ગુણવત્તાને લઈને ઉઠાવ્યા હતા સવાલ
• ધમણ-1 ની ગુણવત્તાને લઈને લખ્યો હતો સરકારને પત્ર
• અમદાવાદ સિવિલ સુપરિટેન્ડન્ટે સરકારને લખ્યો હતો પત્ર
• વેન્ટિલેટર ધાર્યુ પરિણામ ન આપતું હોવાનો કર્યો હતો ઉલ્લેખ
• ધમણ-1 વેન્ટિલેટર ફેલ સાબિત થયાનો કર્યો હતો ઉલ્લેખ
• સુપરિટેન્ડન્ટે સરકાર પાસે અન્ય વેન્ટિલેટરની કરી હતી માગ
• અન્ય 100 હાઇ એન્ડ આઇ ICU વેન્ટિલેટરની કરી હતી માગ
• ધમણ-1 બનાવનાર પરાક્રમસિંહ જાડેજાએ આપ્યુ હતુ નિવેદન
• પત્રમાં કોઈ ફરિયાદ ન કરાઈ હોવાનુ કહ્યુ હતુ પરાક્રમસિંહે
• જરૂરિયાત સંતોષાતી ન હોવાનુ કર્યુ હતુ: પરાક્રમસિંહ
• ધમણ-1 મુદ્દે કોઇ ફરિયાદ ન મળ્યાનુ કહ્યુ હતુ વેંટિલેટર બનાવનારે
• બાદમાં સિવિલ હોસ્પિલમાં ધમણ-1નુ કરાયુ હતુ ડેમોન્સ્ટ્રેશન
• ડો,પ્રભાકર પણ ધમણ-1ના ટેસ્ટિંગ સમયે રહ્યા હતા હાજર
• લોકોના મનમાં ધમણ-1 અંગે ખોટી ગેરસમજ થયાનુ જણાવ્યુ હતુ
• ધમણ-1 મુદ્દે કોંગ્રેસે પણ સરકાર પર કર્યા હતા પ્રહારો
• સિવિલમાં કોરોનાથી મૃત્યુઆંકમાં કોંગ્રેસે ધમણ-1ને જવાબદાર ઠેરવ્યુ હતુ
• વેન્ટિલેટર માટે DGCIનું લાયસન્સ લેવું પડે છે
• ધમણની ક્વોલિટી એપ્રુવલ DGCI પાસેથી નહોતી લેવાઈ
• સામાન્ય રીતે ઘણા બધા દર્દીઓ પર ટ્રાયલ બાદ માર્કેટમાં મુકાય છે
• ધમણનો વેન્ટિલેટર તરીકે એક જ દર્દી પર ટ્રાયલ લેવાયો હતો
• મંજૂરી આપવાની સત્તા રાજ્ય નહીં કેન્દ્ર સરકારના હાથમાં હોય
• લાયસન્સ  પ્રિવ્યુ માટે એક કમિટી ચકાસણી કરે છે 
• કમિટીમાં મેડિકલ કોલેજના ડિરેક્ટર, હોસ્પિટલ હેડ, એક્સપર્ટ સામેલ હોય છે
• કામ સંતોષકારક છે કે નહીં તે જણાવ્યા બાદ લાયસન્સ મળે છે