Coronavirus / જાણીને દંગ રહી જશો કે કોરોના સંકટમાં આફ્રિકાના 10 દેશમાં સૌથી જરૂરી એવી વસ્તુ ઉપલબ્ધ જ નથી

• WHO પણ આફ્રિકી દેશોની હેલ્થ પરિસ્થિતિઓથી ચિંતિત છે
• WHOના કહેવા મુજબ જો આફ્રિકામાં કોરોના કેસ વધ્યા તો અનર્થ થશે
• 1.10 કરોડની વસતિ વાળા સુદાનમાં માત્ર 4 વેન્ટિલેટર

લાચાર આફ્રિકાવાસીઓ પાસે કોરોના વાઇરસની લડાઇ માટે મનને મજબૂત કરવા સિવાય કોઇ વિકલ્પ બચ્યો નથી. WHOનું કહેવું છે કે નિષ્ણાતો આફ્રિકી દેશોની સ્થિતિને લઇ ચિંતિત છે. તેઓ આશંકિત છે કે જે દેશ પાસે માસ્ક, ઓક્સિજન અને સાબુ-પાણી જેવી આધારભૂત સુવિધાઓ ઉપલબ્ધ નથી ત્યાં જો કોરોનાની મહામારી ફેલાઇ ગઇ તો શું થશે. તેથી જરૂરી છે કે આ દેશોમાં કોરોનાનું સંક્રમણ ફેલાવા જ ન દેવું. 

સંયુક્ત રાષ્ટ્રના જણાવ્યા અનુસાર વર્ષ 2015માં આફ્રિકાના માત્ર 15 ટકા લોકો પાસે હાથ ધોવાની સુવિધા હતી. 2017માં લાઇબેરિયામાં તો 97 ટકા ઘરમાં તો સ્વચ્છ પાણી અને સાબુ પણ ઉપલબ્ધ ન હતાં. સેન્ટર ફોર ગ્લોબલ ડેવલપમેન્ટના કેલિપ્સો ચાલકિડોનું કહેવું છે કે અહીં જે વસ્તુઓની જરૂર પડે છે તે લઘુત્તમ છે. 1.10 કરોડની વસ્તીવાળા આફ્રિકી દેશ દક્ષિણ સુદાનમાં ઉપરાષ્ટ્રપતિ પાંચ છે, પરંતુ અહીં વેન્ટિલેટરની ઉપલબ્ધતા માત્ર ચાર છે. આ પ્રકારે મધ્ય આફ્રિકી ગણરાજ્યના 50 લાખ લોકો માટે માત્ર ત્રણ વેન્ટિલેટર છે. લગભગ આ જ આકારના દેશ લાઇબેરિયામાં ચાલુ હાલતમાં 6 વે‌ન્ટિલેટર છે.

( અહીં દર્શાવેલાં વેન્ટિલેટરના આકડાં WHO મુજબ છે)