કોરોના વાયરસ / કોરોનાના નવા વેરિએન્ટને ફેલાતો કેવી રીતે અટકાવવી શકાય? WHOએ આપ્યા આ ઉપાય

• WHO લોકોને આ નિયમોનું કડકાઈથી પાલન કરવાનું કહ્યુ છે
• WHO એ નવા વેરિએન્ટને ફેલાતો અટકાવવા માટે કેટલાક ઉપાયો જણાવ્યા છે
• પૂરી દુનિયાએ મળીને કામ કરવાની જરુર છે 

WHO એ નવા વેરિએન્ટને ફેલાતો અટકાવવા માટે કેટલાક ઉપાયો જણાવ્યા છે

WHOના દક્ષિણ પૂર્વ એશિયાના ક્ષેત્રીય નિર્દેશક ડોક્ટર પૂનમ ખેત્રપાલ સિંહે પીટીઆઈને જણાવ્યું કે કોવિડ સંબંધી ઉપયુત્ત વ્યવહારથી કોરોનાને ફેલાતો રોકી શકાય છે. આ ઉપરાંત ખેત્રપાલે ટેસ્ટ, ટ્રેસ અને આઈસોલેશન અને સારવારના પ્રયાસોને વધારવાની જરુરિયાત ગણાવી છે.

આમ કરીને ફક્ત કોરોનાને ફેલાતો અટકાવી શકે છે

ડો. ખેત્રપાલે આ મહામારીને પહોંચી વળવા માટે ખાંસી અને છીંકમાં શિષ્ટાચાર, હાઈજીન અને સોશિયલ ડિસ્ટન્સિંગ પર ભાર મુક્યો છે. તેમણે કહ્યું કે સાર્વજનિક સ્વાસ્થ્ય અને સામાજિક ઉપાયોનું કડકાઈથી પાલન જ ફક્ત કોરોનાને ફેલાતો અટકાવી શકે છે.  ડો. ખેત્રપાલે કહ્યું કે સોશિયલ ડિસ્ટન્સિંગના ઉપાયો અને આવનજાવન પર પ્રતિબંધ મુકી લોકોના એકબીજા સાથેના સંપર્કને તોડવા જોઈએ. તેમણે કહ્યુ કે આ ઉપાય વૈજ્ઞાનિક પ્રમાણો અને વાસ્તવિક અનુભવો પર આધારિત હોવા જોઈએ. તેને લાગૂ કરવામાં આર્થિકકારક, ફુડ સિક્યોરિટી જેવી મહત્વની બાબતોનું ધ્યાન રાખવું જોઈએ. વાયરસના વેરિયેન્ટ પર તેમણે કહ્યું કે હજું આ અંગે કોઈ વ્યવસ્થિત જાણકારી નથી મળી પરંતુ આ ચિંતાનો વિષય છે.      

WHO વાયરસ ઈવોલ્યૂશન વર્કિંગ ગ્રુપના માઘ્યમથી આના વેરિએન્ટ પર નજર રાખી રહ્યું છે
                                     
ખેત્રપાલે કહ્યું કે WHO વાયરસ ઈવોલ્યૂશન વર્કિંગ ગ્રુપના માઘ્યમથી આના વેરિએન્ટ પર નજર રાખી રહ્યું છે. આ ઉપરાંત WHOએ SARS- Cov-2 મ્યૂટેશનની ઓળખ અને નજર રાખવા માટે એક રિસ્ક મોનિટરિંગ ફ્રેમ વર્ક પણ બનાવ્યુ છે. જે રિસર્ચ, સ્ટડીઝ, સર્વિલન્સ અને જીનોમ સિક્વેન્સિંગના માધ્યમથી કામ કરે છે.

પૂરી દુનિયાએ મળીને કામ કરવાની જરુર છે 

તેમણે કહ્યું કે પૂરી દુનિયાએ મળીને કામ કરવાની જરુર છે જે માટે WHO સમગ્ર દુનિયા માટે એવી રુપરેખા તૈયાર કરવાની તૈયારી કરી રહ્યુ છે જેનાથી રસી, ટેસ્ટ, સારવાર, અટકાવવાના ઉપાયો અને અન્ય સાધનોને અનુકુળ બનાવી શકાય.  ખેત્રવાલે કહ્યુ કે કોઈ પણ ન જણાવી શકે કે બીજી લહેર કઈ તરફ જઈ રહી છે. અમારો આગ્રહ છે કે સોશિયલ ડિસ્ટન્સિંગ, હેંડ રેસ્પિરેટરી હાઈજિન, માસ્ક પહેલી યોગ્ય વેન્ટિલેશન રાખવા જેવા ઉપાયોનું કડકાઈથી પાલન કરવાથી આને રોકી શકાય છે.