ગુજરાતમાં ગઈકાલથી જ પોઝિટિવ કેસ સામે આવવાની શરૂઆત થઈ ગઈ છે. જેમાં અત્યાર સુધીમાં ગુજરાતમાં 5 કેસ પોઝીટીવ આવ્યા છે. આ અંગે નાયાબ મુખ્યમંત્રી નીતિન પટેલે જણાવ્યું હતુ કે, જે પાંચ પોઝિટિવ કેસ સામે આવ્યા છે તે તમામ લોકો વિદેશથી આવ્યા છે. અને 2 દિવસ બાદ ભારત લોકડાઉન થતા વિદેશીઓ અહીં નહીં આવી શકે.
સુરતની યુવતીનો કોરોના ટેસ્ટ પોઝિટિવ
રાજકોટમાં 42 વર્ષીય વ્યક્તિનો પણ કોરોના ટેસ્ટ પોઝિટિવ
ગુજરાતમાં કોરોના મુદ્દે DYCMનુ નિવેદન
ગુજરાતમાં 5 પોઝિટિવ કેસ નોંધાયા છે. જે 5 કેસ સામે આવ્યા તે પાંચેય વિદેશથી આવ્યા છે. 2 દિવસ પછી કોઈ વિદેશથી ભારતમાં નહી આવો. ભારત સરકારે વિદેશી ફ્લાઈટો બંધ કરી છે. જે વિદેશથી આવ્યા છે તેનુ સતત મોનિટરિંગ થઈ રહ્યુ છે.
અમદાવાદમાં 2 કેસ
અમદાવાદમાં 2 કેસ સામે આવ્યા છે. બંને કેસના દર્દીઓ વિદેશ પ્રવાસથી પરત આવેલા છે. હાલ બંનેને સારવાર હેઠળ રાખવામાં આવ્યા છે.
સુરતની યુવતીનો કોરોના ટેસ્ટ પોઝિટિવ
સુરતની યુવતી લંડનમાં અભ્યાસ કરે છે. 16 માર્ચે તે પરત આવી પછી તેને ઉધરસ અને તાવની તકલીફ થતાં સિવિલમાં દાખલ કરાઈ હતી. ત્યાં તેની તપાસ કરાતાં તેનામાં કોરોનાના લક્ષણો મળી આવ્યા હતા. તેના સંપર્કમાં આવેલી 9 વ્યક્તિને ક્વોરેન્ટાઈન કરાઈ છે.
રાજકોટમાં 42 વર્ષીય વ્યક્તિનો પણ કોરોના ટેસ્ટ પોઝિટિવ
રાજકોટનો 42 વર્ષીય પ્રૌઢ મદીનાથી મુંબઈ થઈને ટ્રેનમાં રાજકોટ પહોંચ્યો હતો. તેનામાં કોરોનાના લક્ષણ મળતાં તેના 17 જેટલા સંબંધીઓને ક્વોરેન્ટાઈન કરાયા છે. આ સાથે જ આરોગ્ય વિભાગની ટીમે 18 હજારથી વધુ ઘરોમાં સર્વે પણ હાથ ધર્યો છે.
શંકાસ્પદ કેસ
ગુજરાતમાં કોરોના વાયરસના 150 શંકાસ્પદ કેસ નોંધાયા છે. 150 માંથી 123 કેસના રિપોર્ટ નેગેટિંવ આવ્યા છે. ગુજરાતમાં કુલ 5 દર્દીના રિપોર્ટ પોઝિટિવ આવ્યા છે. હજુ 22 વ્યક્તિના રિપોર્ટ આવવાના બાકી છે. તમામ ટ્રાન્સપોર્ટ સ્થળોએ થર્મલ સિસ્ટમ ગોઠવાશે. ટેસ્ટીગ માટે રાજ્યમા સારી સુવિધા છે.