ગુજરાતમાં પહેલા છુપાઈને બેઠેલા કોરોના વાયરસના સંક્રમણે હવે પોતાનો કહેર વરસાવવાનું શરૂ કરી દીધુ છે. ગુરુવારના દિવસે માત્ર 2 જ કોરોના પોઝિટિવ કેસ નોંધાયા હતા ત્યારે પાંચ જ દિવસમાં કોરોનાનો આંકડો 2થી 22 પર પહોંચી ગયો છે. હાલ ગુજરાતમાં 22 કેસ પોઝિટિવ નોંધાયા છે જ્યારે 1નું મોત થઈ ચૂક્યુ છે.
વડોદરામાં વધુ 2 કેસ પોઝિટિવ
સુરતમાં કોરોના વાયરસના વધુ બે કેસ પોઝિટિવ
ગઈકાલે સુરતમાં એકનું મોત
વ઼ડોદરામાં કોરોના વાયરસના વધુ 2 પોઝિટિવ કેસ સામે આવ્યા છે. નિઝામપુરામાં 29 વર્ષની સગર્ભા મહિલાનો રિપોર્ટ પોઝિટિવ આવ્યો છે. નેપાળના પ્રવાસે જઇને આવેલ 27 વર્ષીય યુવતિનો રિપોર્ટ પણ કોરોના પોઝિટિવ આવતા વડોદરામાં કોરોનાના 5 કેસ થઈ ગયા છે.
સુરતમાં કોરોના વાયરસના વધુ બે કેસ પોઝિટિવ
સુરતમાં વધુ બે કોરોના વાયરસના પોઝિટિવ કેસ સામે આવ્યાં છે. કોરોનાના વધુ બે પોઝિટિસ નોંધાતા સુરતમાં કોરોના વાયરસની સંખ્યા પાંચ પર પહોંચી છે. સુરતમાં કુલ સાત કોરોનાના શંકાસ્પદ દર્દીઓના સેમ્પલ રિપોર્ટ માટે મોકલાયા હતા જેમાંથી બે દર્દીનો રિપોર્ટ પોઝિટિવ આવ્યો છે. દુબઇથી આવેલા એક 32 વર્ષિય યુવકનો કેસ પોઝિટિવ નોંધાયો છે. જ્યારે એક 45 વર્ષિય વ્યક્તિનો રિપોર્ટ પણ પોઝિટિવ નોંધાયો છે. સુરતમાં એક વ્યક્તિનું કોરોનાને કારણે મોત થયુ હતુ જ્યારે વધુ બે નવા નોંધાયા એટલે સુરતમાં કુલ 5 કોરોના પોઝિટિવ કેસ નોંધાયા છે.