રાજકોટ / કમિશન કાંડની તપાસ કરી રહેલા અધિકારી વિકાસ સહાય કોરોના પોઝિટિવ, તોડકાંડ રિપોર્ટમાં વિલંબની ભીતિ

• DGP વિકાસ સહાયનો રિપોર્ટ પોઝિટીવ 
• વિકાસ સહાયના પત્ની પણ પોઝિટીવ 
• કોરોના પોઝિટીવ થતા વિકાસ સહાય ક્વોરન્ટાઈન થયા 

રાજકોટ પોલીસ કમિશનકર મનોજ અગ્રવાલ સામે જે ભ્રષ્ટાચારના આરોપ લાગ્યા છે. તેને લઈને તપાસના આદેશો આપવામાં આવ્યા છે. આ તપાસ પણ DGP ટ્રેનીંગ વિકાસ સહાય દ્વારા કરવામાં આવી રહી છે. જેઓ મનોજ અગ્રવાલ કરતા 2 વર્ષ સિનીયર છે. જોકે હાલ આ સમગ્ર મામલે મોટા સમાચાર સામે આવી રહ્યા છે. 

ડિજીપી વિકાસ સહાય કોરોના પોઝિટીવ 

DGP વિકાસ સહાય કોરોના સંક્રમિથ થયા છે. સાથેજ  તેમની પત્ની પણ કોરોના સંક્રમિત થયા છે. કોરોના સંક્રમિત થયા હોવાને કારણે તેઓ હોમ ક્વોરન્ટાઈન થયા છે. આપને જણાવી દઈએ કે રાજકોટ પોલીસ કમિશનર મનોજ અગ્રવાલ સામે જે પણ આક્ષેપો લાગ્યા છે. તેની તપાસ DGP વિકાસ સહાય કરી રહ્યા છે.

આજે નિવેદનનો રિપોર્ટ પોલીસ વડાને સોંપે તેની શક્યતા હતી 

સમગ્ર મામલે તપાસ અધિકારી વિકાસ સહાયના તપાસ રિપોર્ટમાં નિવેદનનું કામ આજે પૂર્ણ થયું હતું જેમા આજે કમિશનકાંડનો રિપોર્ટ પોલીસ વડાને સુપરત થઈ શકે તેમ હતું પરંતુ તેઓ કોરોના સંક્રમિત થતા હાલ તેઓ ક્વોરન્ટાઈન થયા છે. 

ક્વોરન્ટાઈન સમયગાળા પછી આગળની કાર્યવાહી થવાની શક્યતા 

ઉલ્લેખનીય છે કે આ સમગ્ર મામલે ગોવિંદ પટેલના લેટર બોમ્બ પછી ગૃહ વિભાગે તપાસ હાથ ધરી હતી. જેમા DGP વિકાસ સહાયે તપાસ હાથ ધરી હતી અને ગાંધીનગર તેમજ રાજકોટથી નિવેદનો લેવાયા હતા. જોકે હાલ તેઓ કોરોના સંક્રમિત થયા છે. જેથી આગળની પ્રોસેસ હવે તેમનો ક્વોરન્ટાઈન સમયગાળો પતશે પછીજ થઈ શકશે.