મહામારી / એક દિવસમાં કોરોનાના 16 લાખ કેસ, 7000 મોત, અમેરિકા, ફ્રાન્સ અને બ્રિટનમાં તૂટ્યો રેકોર્ડ

• આખી દુનિયા કોરોના અને ઓમિક્રોનની પકડમાં
• સમગ્ર વિશ્વમાં એક દિવસમાં કોરોનાના આવ્યાં 16 લાખ કેસ
• એક દિવસમાં થયા 7000 લોકોના મોત
• અમેરિકા, ફ્રાન્સ અને બ્રિટનમાં હાહાકાર, કોરોનાએ તમામ રેકોર્ડ તોડ્યાં 

ફરી એકવાર કોરોનાએ સમગ્ર વિશ્વમાં વિનાશ વેરવાનું શરૂ કર્યું છે. આ વખતે ઓમિક્રોન વેરિએન્ટને કારણે રેકોર્ડ કેસ પ્રકાશમાં આવી રહ્યા છે. યુએસ, ફ્રાન્સ અને યુકેમાં કોરોનાના નવા કેસોએ તમામ રેકોર્ડ તોડી નાખ્યા છે. છેલ્લા થોડા દિવસમાં 16 લાખથી વધુ નવા કેસ નોંધાયા છે અને 7,000થી વધુ લોકોના મોત થયા છે. 

 ફ્રાન્સમાં 24 કલાકમાં કોરોનાના 2 લાખ કેસ 
યુરોપીય દેશ ફ્રાન્સમાં 24 કલાકમાં કોરોનાના 2 લાખ કેસ નોંધાયા હતા. સ્વાસ્થ્ય મંત્રી ઓલિવિયર વેરને કહ્યું કે આ ડેલી રેકોર્ડ છે. વેરને કહ્યું આ ઓમિક્રોનની લહેર નહીં સુનામી છે. ફ્રાન્સની લગભગ 10 ટકા વસતી એવા વ્યક્તિના સંપર્કમાં હતી જે વાયરસથી સંક્રમિત છે અને ત્યાં સુધી કે વેક્સિનેશન પણ પૂરતી સુરક્ષા કરવામાં સક્ષમ હોય તેમ લાગતું નથી. ફ્રાન્સે નાઈટક્લબ બંધ કરવાની મુદત ત્રણ અઠવાડિયા વધારી દીધી છે. 

અમેરિકામાં એક દિવસમાં રેકોર્ડ કેસ 
અમેરિકામાં પણ છેલ્લા ચોવીસ કલાકમાં કોરોનાના 2.65 લાખથી વધુ કેસ આવ્યાં છે. આ પહેલા 11 જાન્યુઆરીએ 2.52 લાખ દૈનિક કેસ આવ્યાં હતા. પરંતુ મંગળવારે 2,65,427 નવા કેસ આવતા જુના કેસનો રેકોર્ડ તૂટી ગયો છે. 

જાન્યુઆરીમાં USAમાં કેસ વધશે

અમેરિકાના ન્યૂયોર્કમાં ઓમિક્રોનના કેસમાં વધારો થતાં હોસ્પિટલમાં દાખલ બાળકોની સંખ્યામાં પણ વધારો થઈ રહ્યો છે. ન્યૂયોર્ક હેલ્થ ડિપાર્ટમેન્ટના જણાવ્યા અનુસાર, હોસ્પિટલમાં દાખલ 18 વર્ષથી વધુ ઉંમરના કોરોના દર્દીઓમાં ચાર ગણો વધારો થયો છે. સંક્રમિત લોકોમાંથી અડધા તો લગભગ 5 વર્ષથી ઓછી ઉંમરના છે. જાન્યુઆરીમાં વધુ કેસ વધવાની ધારણા છે. એટલા માટે પરીક્ષણ અને રસીકરણ પર વધુ ભાર મૂકવામાં આવી રહ્યો છે. રાષ્ટ્રપતિ જો બિડેનના મુખ્ય તબીબી સલાહકાર ડૉ. એન્થોની ફૌસીએ અપીલ કરી છે કે લોકો બંધ સ્થળોએ પાર્ટીઓ કે ઉજવણીઓમાં ન જાય, જ્યાં તમને ખબર ન હોય કે કોને રસી આપવામાં આવી છે અને કોને નથી. ઓછા લોકો સાથે ઘરે ઉજવણી કરો, જ્યાં દરેક વ્યક્તિ એકબીજાની રસીકરણની સ્થિતિ જાણે છે. તેમણે અજાણ્યા લોકોથી દૂર રહેવાની પણ અપીલ કરી હતી.

20 થી 26 ડિસેમ્બરની વચ્ચે લગભગ 50 લાખ નવા કેસ નોંધાયા-WHO ચીફ

WHO ચીફ (ટેડ્રોસ ઘેબ્રેયેસસે જણાવ્યું હતું કે ગયા સપ્તાહની તુલનામાં આ અઠવાડિયે નવા કેસોમાં 11 ટકાનો વધારો થયો છે. તેમણે કહ્યું કે 20 થી 26 ડિસેમ્બરની વચ્ચે લગભગ 50 લાખ નવા કેસ નોંધાયા હતા. તેમાંથી અડધાથી વધુ યુરોપમાં હતા.

વિશ્વભરમાં 16.13 મિલિયન નવા કેસ 
worldometers.info જણાવ્યા અનુસાર વિશ્વભરમાં 16.13 મિલિયન નવા કેસ નોંધાયા છે અને ભૂતકાળમાં 7,391 લોકોના મોત થયા છે. કોરોના મહામારી (કોરોના રોગચાળો) શરૂ થયા બાદ આ પહેલી વાર છે જ્યારે એક દિવસમાં આટલા બધા કેસ નોંધાયા છે.