મહામારી / BIG BREAKING : બાળકો માટેની ઝાયડસની કોરોના વેક્સિનનો ભાવ નક્કી થયો, જાણો કેટલામાં મળશે

• બાળકો માટેની ઝાયડસની વેક્સિનનો ભાવ નક્કી થયો
• ડોઝ દીઠ 265 ની કિંમત નક્કી
• કેન્દ્ર સરકારે 1 કરોડ ડોઝનો આપ્યો ઓર્ડર 

કેડિલા હેલ્થકેરે આજે રેગ્યુલેટરી ફાઇલિંગમાં જણાવ્યું હતું કે ભારત સરકારે તેની કોવિડ-19 રસી 'ઝાયકોવ-ડી'ના એક કરોડ ડોઝ માટે ડોઝ દીઠ રૂ.265 ની કિંમત નક્કી કરી છે. 

12 થી 18 વર્ષની વય જૂથના બાળકોને અપાશે વેક્સિન 
કંપનીના મેનેજિંગ ડાયરેક્ટર શારવિલ પટેલે જણાવ્યું હતું કે, "અમે ઝાયકોવ-ડી સાથે સરકારના રસીકરણ કાર્યક્રમને ટેકો આપીને ખુશ છીએ. અમને આશા છે કે રસીકરણની સોય મુક્ત એપ્લિકેશન ઘણા લોકોને ખાસ કરીને 12 થી 18 વર્ષની વય જૂથના બાળકો અને યુવાન પુખ્ત વયના લોકોને કોવિડ-19થી રસી આપવા અને સુરક્ષિત રાખવા માટે પ્રેરિત કરશે. 

કેન્દ્ર સરકારે 1 કરોડ ડોઝનો ઓર્ડર આપી દીધો 

શારવિલ પટેલે જણાવ્યું હતું કે કેન્દ્ર સરકાર તરફથી અમને 1 કરોડ ઝાયકોવ-ડીનો ઓર્ડર મળ્યો છે જેના એક ડોઝની કિંમત 265 રુપિયા છે. આ પ્રાઈસમાં દરેક ડોઝ આપવા માટે વપરાતા પેઈનેલેસ જેટ એપ્લિકેટરનો ખર્ચ પણ સામેલ છે.

 28 દિવસના અંતરે ઝાયકોવ-ડીના ત્રણ ડોઝ મળશે 
ઝાયકોવ-ડીના ત્રણ ડોઝ 28 દિવસના અંતરે આપવામાં આવશે, જેમાં દરેક ડોઝમાં બંને હાથમાં શોટ નો સમાવેશ થાય છે. 28,000 થી વધુ સ્વયંસેવકોમાં ફેઝ-3 ક્લિનિકલ પરીક્ષણોના વચગાળાના પરિણામોએ લક્ષણાત્મક આરટી-પીસીઆર પોઝિટિવ કેસમાટે 66.6 ટકાની પ્રાથમિક અસરકારકતા દર્શાવી હતી.