કોરોનાની મહામારીમાંથી ભારતને બહાર કાઢવા માટે વિશ્વના અનેક દેશોએ મદદ માટે હાથ લંબાવ્યો છે.
રશિયાની મદદ આજે ભારત પહોંચી જશે
અમેરિકાથી મેડિકલ સપ્લાય લઈને વિમાન રવાના થઈ ગયું છે
સિંગાપોરે મંગળવારે ભારતને 256 ઓક્સિજન સિલિન્ડર આપ્યા હતા.
મળતી માહિતી મુજબ રશિયાએ મેડિકલ સપ્લાયથી ભરેલા 2 ટ્રાન્સપોર્ટ પ્લેન ભારત મોકલી રહ્યુ છે. જેમાં ઓક્સિજનને સ્ટોર કરનારા કન્સેન્ટ્રેટર, વલેન્ટિલેટર, 22 ટન મેડીકલ સપ્લાય સામેલ છે. આ પ્લાન રશિયાથી ટેક ઓફ થઈ ચૂક્યુ છે જે આજે ભારત પહોંચી જશે. ઉલ્લેખનીય છે કે મોટી સંખ્યામાં દેશો ભારતને મદદ કરી રહ્યા છે. પરંતુ સૂત્રોનું કહેવું છે કે ભારતે મદદ માટે આંતરરાષ્ટ્રીય અપીલ નથી કરી અને આ સપ્લાય મુખ્ય રીતે ઈન્ડિયન રેડ ક્રોસ સોસાયટીના માધ્યમથી થઈ રહી છે.
અમેરિકાથી મળી મદદ
સૂત્રોના જણાવ્યાનુંસાર ભારતનો પ્રયત્ન ઓક્સિજન ઉત્પાદક સંયંત્ર,. ઓક્સિજન કન્સેટ્રેટર અને નાના મોટા ઓક્સિજન સિલેન્ડરોની ખરીદી પર છે. આનું કારણ એ છે કે વિભિન્ન સંયંત્રોથી ઓક્સિજન હોસ્પિટલ તથા ભારત પહોંચાડવામાં મુશ્કેલી આવી રહી છે. ભારત અમેરિકા અને બીજા દેશોમાંથી રેમડેસિવિરક, ટોસિલિજુમેબ અને ફેવીપિરવીર જેવી મહત્વની દવા ખરીદવાનો પ્રયાસ કરી રહ્યુ છે. સૂત્રોનું કહેવું છે કે ભારતે અમેરિકામાં બનેલી કોરોના વેક્સિન અને તેના કાચા માલની માંગ કરી છે. અમેરિકાએ એક હદ સુધી ભારતની માંગ માની છે અમેરિકાએ 10 કરોડ ડોલરનો સપ્લાય મોકલવાનો નિર્ણય કર્યો છે. અમેરિકાથી મેડિકલ સપ્લાય લઈને વિમાન રવાના થઈ ગયું છે. વિમાન ગુરુવારે અહીં પહોંચવાની શક્યતા છે. આ દોર આવનારા અઠવાડિયા સુધી ચાલુ રહેશે. વ્હાઈટ હાઉસના નિવેદન મુજબ આ સપ્લાયમાં 1 હજાર ઓક્સિજન સિલેન્ડર, 1.5 કરોડ એન 95 માસ્ક અને 1 કરોડ રેપિડ ડાયગ્નોસ્ટિક ટેસ્ટ સામેલ છે. આ ઉપરાંત ભારતની ડિમાન્ડ પર એસ્ટ્રાજેનેકાનો ઓર્ડર પર અમેરિકા પુરો કરશે.
આ દેશોએ પણ મદદની કરી જાહેરાત
અમેરિકા,રશિયા, ફાન્સ, જર્મની, ઓસ્ટ્રેલિયા, આયરલેન્ડ, બેલ્જિયમ, રોમાનિયા, લક્સમબર્ગ, સિંગાપુર, પુર્તગાલ, સ્વીડન, ન્યૂઝીલેન્ડ, કુવૈત અને મોરિશસ સહિત અનેક પ્રમુખ દેશોએ ભારતને મહામારી સામે લડવામાં મદદનું આશ્વાસન આપ્યું છે.
સિંગાપોરે મંગળવારે ભારતને 256 ઓક્સિજન સિલિન્ડર આપ્યા હતા. નોર્વે સરકારે ભારતના પીડિતોને મેડિકલ સેવા માટે 24 લાખ US ડૉલર આપવાનું એલાન કર્યું છે. સ્વિત્ઝરલેન્ડ પણ બુધવારે કહ્યું કે તે ભારતને ઓક્સિજન કન્સેટ્રેટર, વેન્ટિલેટર અને અન્ય ઉપકરણ મોકલશે. ભારત સાઉદી અરબ, સિંગાપુર, સંયુક્ત અરબ અમીરાત સહિત અનેક દેશોમાંથી મેડિકલ ઉપકરણોની વ્યાવસાયિક ખરીદી કરી રહ્યુ છે.
ચીન - પાકિસ્તાનની ઓફર પર મૌન
સૂત્રોએ જણાવ્યુ કે કોવિડ 19ની સ્થિતિને જોતા ચીન દ્વારા ભારતની મદદને રજુ આત પર કોઈ પ્રતિક્રિયા નથી આપી. જો કે ચીનથી વાણિજ્ય ખરીદી પર કોઈ પ્રતિબંધ નથી, પાકિસ્તાનમાં મામલા પણ અત્યાર સુધી ભારત તરફથી કોઈ પ્રતિક્રિયા નથી આપવામાં આવી.