વિશ્વમાં કોરોના વાયરસના કેસ સતત વધી રહ્યા છે. ત્યારે આ કહેર વચ્ચે લેબનોનની અમેરિકાન યુનિવર્સિટી ઓફ બેરુત દ્વારા એક અધ્યયન કરવામાં આવ્યું છે. જેમાં સામે આવ્યું છે કે કોરોના મૌસમી ફ્લૂ જેવો થઇ જશે.
લેબનાનની અમેરિકન યુનિવર્સિટી ઓફ બેરુતનું અધ્યયન
કોરોના વાયરસ એક સમય બાદ મૌસમી ફ્લૂ જેવો થઇ જશે
કોરોના મૌસમી ફ્લૂ જેવો થઇ જશે પરંતુ આમાં થોડો સમય લાગશે
વિશ્વમાં કોરોના વકરતો જઈ રહ્યો છે. એક દિવસમાં 2 લાખ 77 હજાર 890 નવા કેસ નોંધાયા છે. હાલ સમગ્ર વિશ્વમાં કોરોનાના કુલ કેસ 2 કરોડ 97 લાખ 16 હજાર 848 થયા છે. એક દિવસમાં 5 હજાર 992 લોકોના મૃત્યું થયા છે. ત્યારે 2.13 લોકો સાજા થઈ ગયા છે. ત્યારે એક રિસર્ચમાં કોરોનાને મૌસમી ફ્લૂ જેવો ગણાવવામાં આવ્યો છે.
અધ્યયનમાં દાવો કરાયો છે કે કોરોના વાયરસ એક સમય બાદ મૌસમી ફ્લૂ જેવો થઇ જશે. પરંતુ આમાં થોડો સમય લાગશે. કોરોના વાયરસ જળવાયુમાં પોતાનું રુપ બદલશે. પરંતુ જો કોરોના સામે એન્ટીબોડી વિકસિત થઇ જાય તો તમામ દેશમાં આ મૌસમી ફ્લૂ જેવો થઇ જશે. અને જ્યાં સુધી એન્ટીબોડી ન મળે ત્યાં સુધી કોરોના વાયરસ અનેક રૂપમાં સામે આવી શકે છે.
સંયુક્ત રાષ્ટ્ર મહાસચિલ એન્ટોનિયો ગુટરેસે વૈશ્વિક સમુદાયને કોરોની સામે લડવા સંયુક્ત રાષ્ટ્ર પ્રણાલી અને વિશેષ રુપે વિશ્વ સ્વાસ્થ્ય સંગઠન(ડબલ્યૂએચઓ)ની મદદ કરવા આગ્રહ કર્યો છે. આ સમયે મહામારીને પહોંચી વળવામાં WHO અસફળ રહ્યાની વારંવાર ટીકા કર્યા બાદ સંયુક્ત રાજ્ય અમેરિકાએ ગુટરેસને ઔપચારિક રીતે WHOમાંથી હટવાની જાહેરાત કરી છે. અમેરિકાના વિદેશ મંત્રાલયના પ્રવક્તાએ WHO પર અવિશ્વાસ વ્યક્ત કર્યો હતો. માર્ચમાં WHOએ કોરોનાને મહામારી જાહેર કરી હતી.