કોરોના મહામારીમાં કોરોના ફાઈટર તરીકે ફરજ બજાવતા એવા ડોક્ટરોની વાત કરીએ તેટલી ઓછી છે ત્યારે ફરજ માટે એક માતાએ પણ માતૃપ્રેમ ભૂલીને પોતાના 12 કલાક ફરજ પર રહેતી અમદાવાદની મહિલાની એક ઘટના સામે આવી છે. એક તરફ ફરજનિષ્ઠા અને બીજી તરફ પોતાના સંતાનોને વ્હાલ બંન્ને બાબત વચ્ચે સમતોલન સાધી રહ્યા છે અમદાવાદના આ મહિલા.
સલામ છે અમદાવાદની આ મહિલા
ફરજની સાથે નીભાવે છે માતૃત્વ
લગ્નના છ વર્ષ પછી જોડિયા બાળકોનો જન્મ થયો. આઇવીએફ પદ્ધતિથી પુત્ર અને પુત્રીનું આગમન થતાં પરિવારમાં આનંદ અને ખુશી પ્રસરી ગયા. બંને બાળકને ખોળામાં લઇને રમાડવાની, છાતીએ વળગાડવાની માતાને ખૂબ જ હોંશ છે. પણ માતા પોતાના જ બાળકોને દૂરથી રમાડી રહી છે.
108માં ફરજ બજાવે છે આ મહિલા
આ મહિલા માત્ર ચપડી વગાડી પોતાના વ્હાલસોયાઓને દૂરથી વ્હાલ કરી રહી છે. કારણ કે કોરોનાની મહામારીમાં પોતાનું માતૃત્વ છોડી પોતાની ફરજ બજાવી રહ્યાં છે. શહેરના અમરાઈવાડી વિસ્તારમાં રહેતી જયા સોલંકી નામની મહિલા 108માં ફરજ બજાવે છે. બંને બાળકોને તેઓ પોતાના માતા-પિતા અને પતિ પાસે મૂકીને ફરજ પર હાજર રહે છે. માતા જયાનું કહેવું છે કે તે પોતાના બાળકોને માત્ર દુરથી જોવે છે. કારણ કે જોડે જવાથી બાળકોને કોરોનાનો ચેપ લાગવાનો ભય સતાવી રહ્યો છે.
આ મહિલાને VTV સલામ કરે છે
માતૃપ્રેમ ની વાત આવે ત્યારે સૌ માતાઓ દુનિયા ભૂલીને પોતાના સંતાનો ને જોતી હોય છે પણ આ માતા એવી છે જે પોતાના સંતાનો ની સાથે દુનિયાની બધા સંતાનો જે કોરોનાની ઝપેટમાં છે તેને સાજા કરવાની ફરજ નિભાવી રહી છે માતૃત્વની સાથે ફરજમાં પણ અડગ રહેતા આ મહિલાને VTV સલામ કરે છે.