સોશિયલ મીડિયા પર હાલમાં એક વીડિયો ખુબ વાયરલ થઈ રહ્યો છે. એક તરફ આખી દુનિયામાં કોરોના વાયરસને લઈ ભારે તબાહી મચી છે ત્યારે ભારતમાં પણ 28 જેટલા કેસ જોવા મળ્યા છે. આ બધાની વચ્ચે તમને હેરાન કરે એવો એક વીડિયો વાયરલ થયો છે. એક શખ્સ ગટરના પાણીથી છોલે-ભટ્ટુરેની ડિશ સાફ કરી રહ્યો છે.વીડિયો જોઇને લોકો કહી રહ્યા છે કે આ જોઇને કોરોના વાયરસ પણ ભાગી જશે.
ગટરના પાણીથી ડીશ ધોવાનો વીડિયો વાયરલ
લોકોએ કહ્યું આ જોઇને કોરોના ઊંધી પૂંછડીયે ભાગશે
કોરોના વાયરસનાં ફફડાટ વચ્ચે સોશિયલ મીડિયામાં વિવિધ વીડિયો વાયરલ
સોશિયલ મીડિયામાં એક વીડિયો વાયરલ થઇ રહ્યો છે જેમાં ખાણી-પીણીની લારી પર કામ કરી રહેલ એક વ્યક્તિ ગટરનાં પાણીથી ડીશ સાફ કરી રહ્યો છે. આ વીડિયો જોઈ દુનિયાભરનાં લોકો હેરાન થઇ રહ્યા છે. બધા જ સોશિયલ મીડિયા પ્લેટફોર્મ પર વીડિયો ખૂબ વાયરલ થઇ રહ્યો છે.
વીડિયોમાં જોઈ શકાય છે કે, રસ્તા પર છોલે-ભટ્ટુરે અને પુલાવની લારી લઈને એક માણસ કામ કરી રહ્યો છે. ત્યાં જ એક માણસ પાસેની ગટરના પાણીમાં ડિશ ધોઈ રહ્યો છે.ટ્વીટર પર લોકો આ વીડિયો જોઇને ખૂબ રમૂજી પ્રતિભાવ આપી રહ્યા છે. કોઈએ કહ્યું આ જોઇને કોરોના વાયરસ આત્મહત્યા કરી લેશે, તો કોઈએ કહ્યું કે આ જોઇને કોરોના રીટર્ન ટીકીટ લઈને નીકળી જશે. વીડિયોને હજારો વ્યુઝ પણ મળી રહ્યા છે.
કોરોના વાયરસે દેશમાં દસ્તક દીધી છે. સરકારે એડવાઈઝારી પણ બહાર પાડી છે. ત્યારે સોશિયલ મીડિયામાં આવા વીડિયો ખૂબ વાયરલ થઇ રહ્યા છે.