પહેલ / કોરોનાના સંકટની વચ્ચે આ કંપની પોતાના કર્મચારીઓને આપશે 25 ટકા વધારે સેલરી

• આઇટી કંપની પોતાના કર્મચારીઓને આપશે 25 ટકા વધારે સેલરી
• કોરોના વાયરસની મહામારી દરમિયાન કામ કરી રહેલા કર્મચારીઓને પ્રોત્સાહન

કંપનીએ શુક્રવારે કહ્યું કે અસોસિએટ અને તેનાથી નીચેના સ્તરના કર્મચારીઓને એપ્રિલ મહીના માટે 25 ટકા એક્સ્ટ્રા સેલેરી આપવામાં આવશે. તેનાથી ભારતમાં કંપનીના લગભગ 1.30 લાખ કર્મચારીઓને ફાયદો થશે. 

કંપનીનું કહેવું છે કે કોરોના વાયરસના સંકટ વચ્ચે સેવાઓને જારી રાખતા કર્મચારી અસાધારણ કામ કરી રહ્યા છે. તેથી તેઓને એક પ્રકારે પ્રોત્સાહન સ્વરૂપ આ એક્સ્ટ્રા સેલરી આપવામાં આવશે. આ એકસ્ટ્રા વેતન તેમના મુળ વેતનના આધારે નક્કી કરવામાં આવશે. નોંધનીય છે કે ડિસેમ્બર 2019 સુધી કંપનીના ભારતમાં કુલ 2,03,700 કર્મચારીઓ હતા. 

કંપનીએ શું કહ્યું

ન્યૂઝ એજન્સી પીટીઆઇ મુજબ કર્મચારીઓને મોકલેલા એક સંદેશમાં કંપનીના મુખ્ય કાર્યકારી અધિકારી બ્રાયન હંપરીઝે કહ્યું કે આ એકસ્ટ્રા વેતન એપ્રિલના વેતનની સાથે જોડીને આપવામાં આવશે. ત્યારબાદ કંપની સ્થિતિની માસિક સમીક્ષા કરશે. 

શા માટે કંપની આપી રહી છે ઇનામ

તેઓએ કહ્યું કે આવી મુશ્કેલી ઘડીમાં પણ તેના કર્મચારીઓ ગ્રાહકો માટે સેવાઓ સરળતાથી ઉપલબ્ધ બને તેના માટે લાગેલા છે અને તેઓ એમની લગન, પ્રમાણિકતા અને સાહસની પ્રશંસા કરે છે. ભારત અને ફિલીપીન્સમાં અમારા અસોસિએટની સેવાઓેને જારી રાખવા અસાધારણ પ્રયાસનું અમે સન્માન કરીએ છીએ. અમે અસોસિએટ અને તેનાથી નીચલા સ્તરના કર્મચારીઓને એપ્રિલમાં તેમનના મુળ વેતનના આધારે 25 ટકા વધારે વેતન આપશે.