કોરોના વાયરસના કારણે દુનિયાભરમાં હાહાકાર મચી ગયો છે. કોરોના વાયરસના કારણે વિશ્વના અનેક દેશોમાં લોકડાઉન કરવામાં આવ્યું છે. લોકો પોતાના સ્નેહીજનોને મળી પણ નથી શકતા, બધા ઘરોમાં બંધ ત્યાં ચીનમાં તો કિસિંગ કૉન્ટેસ્ટ આયોજિત કરવામાં આવ્યો છે.
ફર્નિચર બનાવતી કંપનીમાં યોજાઈ સ્પર્ધા
કારખાનું ખુલ્યા બાદ લોકોના તણાવને ઓછો કરવા માટે રખાઈ સ્પર્ધા
વચ્ચે અરીસો રાખીને પ્રતિસ્પર્ધીઓએ કરી કિસ
વિશ્વભરના અનેક દેશોમાં લોકડાઉન
વિશ્વભરમાં કોરોના વાયરસના કારણે કોહરામ મચી ગયો છે. કોરોના વાયરસના કારણે લોકોને ઘણી સમસ્યાનો સામનો કરવો પડી રહ્યો છે. લોકો વર્કઆઉટ કરી શકતા નથી, એકબીજાને મળી પણ નથી શકતા. એવામાં ભારત સહિત દુનિયાના ઘણા દેશો લોકડાઉનથી કંટાળ્યા છે ત્યાં જે દેશમાંથી આ વાયરસ ફેલાયો છે ત્યાં તો કિસિંગ હરિફાઈ આયોજિત કરવામાં આવી રહી છે.
અમુક લોકોએ કરી નિંદા
મીડિયા અહેવાલ મુજબ ચીનની એક ફર્નિચર બનાવતી ફેક્ટરીમાં આ કૉન્ટેસ્ટનું આયોજન કરવામાં આવ્યું હતું. ફેક્ટરીના કર્મચારીઓએ આ સ્પર્ધામાં ભાગ લીધો હતો. કંપનીનું નામ Yueya જણાવવામાં આવી રહ્યું છે. કંપનીમાં કોરોના મહામારી બાદ કામ ફરીથી શરુ થયું હતું જેથી આ સ્પર્ધા દ્વારા તેની ઉજવણી કરવામાં આવી હતી.
A furniture factory in E. China's Suzhou attracts people's attention as its employees celebrated resumption of work in a special way- kiss competition with a clear disinfected glass between each pair of participants. pic.twitter.com/G0CBiU4ioK
કોરોના વાયરસના કહેર વચ્ચે આ સ્પર્ધાની તસવીરો ખૂબ વાયરલ થઇ રહી છે. અન્ય દેશોના લોકોએ આ તસવીર જોયા બાદ ટિકા પણ કરી છે. લોકોએ કહ્યું કે ચીનમાં હજુ પણ એકબીજાથી દૂર રહેવા આગ્રહ કરવામાં આવ્યો છે ત્યાં સ્પર્ધામાં તો ખુલેઆમ નિયમોનું ઉલ્લંઘન થઇ રહ્યું છે.
કારખાના માલિકે શું કહ્યું ?
ચીનનાં ગ્લોબલ ટાઈમ્સ દ્વારા તેનો વીડિયો પણ જાહેર કરવામાં આવ્યો છે. આ ફેક્ટરીના માલિક મા નું કહેવું છે કે આ સ્પર્ધામાં ખતરાને ઓછો કરવા માટે પ્રતિસ્પર્ધીઓની વચ્ચે અરીસો મૂકવામાં આવ્યો છે. તથા તેમણે કહ્યું કે આ સ્પર્ધામાં ભાગ લેનાર દરેક પ્રતિસ્પર્ધીઓ પતિ-પત્ની જ છે જે કારખાનામાં કામ કરે છે. તથા લોકો વચ્ચે તણાવ ઓછો કરવા માટે આ સ્પર્ધા યોજવામાં આવી છે.