Coronavirus / કોરોના વાયરસને લઈને વૈજ્ઞાનિકોનો મોટો ખુલાસો, હકીકત ચોંકાવનારી

• ચીનમાં કોરોનાનો હાહાકાર
• વૈજ્ઞાનિકોએ વાયરસના ફેલાવાને લઇ કર્યો ખુલાસો
• ચીનની લેબમાંથી વાયરસ ફેલાયાની વ્યક્ત કરી આશંકા

અહેવાલો અનુસાર આ જીવલેણ વાયરસ ચીનના હુબેઇ પ્રાંતથી શરૂ થયો છે. રાજધાની વુહાનમાં આ વાયરસની સૌથી ખતરનાક અસર જોવા મળી છે. એક અહેવાલ મુજબ, ચીનના કેટલાક વૈજ્ઞાનિકો હવે માને છે કે આ વાયરસનો જન્મ વુહાનમાં માછલી બજારથી થોડે દૂર સ્થિત સરકારી સંશોધન લેબમાં થયો હતો.

પ્રાણીઓની લેબના કારણે ફેલાઇ શકે છે કોરોના 

ચીનની સત્તાવાર સાઉથ ચાઇના યુનિવર્સિટી ઓફ ટેકનોલોજીના જણાવ્યા અનુસાર, આવા વાયરસનો જન્મ વુહાન સેન્ટર ફોર ડિસીઝ કંટ્રોલ (ડબ્લ્યુએચડીસી) માં થઈ શકે છે. આ પાછળનું કારણ એ છે કે આવા પ્રાણીઓને લેબમાં રાખવામાં આવે છે જે આવા રોગો ફેલાવી શકે છે. આ લેબમાં, 605 ચામાચિડીયા રાખવામાં આવ્યા હતા, જેના દ્વારા કોરોના વાયરસ ફેલાવાની આશંકા વ્યક્ત કરવામાં આવી છે.

ચામાચિડિયાએ કર્યો હતો સંશોધકો પર હુમલો

આ સિવાય આ યુનિવર્સિટીના રિસર્ચ પેપરમાં પણ કહેવામાં આવ્યું છે કે, કોરોના વાયરસ માટે જવાબદાર ચામાચિડિયાએ ફરી એકવાર સંશોધકો પર હુમલો કર્યો હતો. જેના કારણે ચામાચિડીયાનું લોહી તેમની સ્કીન સાથે મળી ગયું.

કોરોનાના દર્દીના શરીરમાં જીનોમ 96 અથવા 89 ટકા મળી આવ્યા 

અહેવાલમાં જણાવાયું છે કે કોરોના વાયરસથી પીડાતા દર્દીઓના શરીરમાં જીનોમ 96 અથવા 89 ટકા હતા જે બેટ CoCzc4 કોરોના વાયરસ સમાન જ છે. રિપોર્ટમાં જણાવાયું છે કે વુહાનમાં સીફૂડ માર્કેટથી આશરે 600 માઇલ દૂર દેશી બેટ મળી આવે છે. લોકોને બેટ ન ખાવાની સલાહ આપવામાં આવી છે.

ચેપવાળા ડોક્ટરોને હોસ્પિટલમાં ખસેડાયા 

વૈજ્ઞાનિકોએ એમ પણ કહ્યું છે કે WHDCના એક સંશોધકે જણાવ્યું છે કે ચામાચિડિયાનું લોહી ત્વચામાં પ્રવેશ્યા પછી તેણે બે અઠવાડિયા માટે પોતાને અલગ રાખ્યો હતો. રિપોર્ટમાં વધુમાં જણાવાયું છે કે WHDC માં પ્રથમ વખત ચેપ લાગનારા ડોકટરોના જૂથને યુનિયન હોસ્પિટલમાં ખસેડવામાં આવ્યા છે. વૈજ્ઞાનિકોએ અંદાજ લગાવ્યો કે, કદાચ તે શરૂઆતના તબક્કાના દર્દીઓને કારણે આ ચેપ ફેલાયો છે. અને વાયરસ લીક થઇ ગયો છે.