કોરોના વાયરસ / શરમ કરો અને હવે 31 માર્ચ સુધી ઘરમાં રહેજો, પોતાનું નહીં તો બીજાનું વિચારો

• શરમ કરો, ઘરમાં રહો
• પોતાનું તો બીજાનું વિચારો 
• લૉકડાઉનમાં નથી સમજાતું ?

શરમ કરો... પોતાનું નહીં તો પોતાના પરિવાર, બીજાના પરિવાર અને ગુજરાતની જનતાનું વિચારો. અહીં આપણા મુખ્યમંત્રી લૉકડાઉનનો મતલબ સમજાવી રહ્યા છે. લોકોને હાથ જોડી વિનંતી કરી રહ્યા છે. પરંતુ આ નાક વિનાની અમુક જનતાને કાંઈ પડી જ નથી. તેમને તો મરવું જ છે. ત્યારે તો એક દિવસના જનતા કર્ફ્યૂમાં જાણે મુંજાઈ ગયા હોય તેમ ઘરોમાંથી બહાર ટહેલવા નિકળી પડ્યા છે. પરંતુ આજે આ માહોલમાં VTV પોતાની ફરજ ન ચૂક્યું અને પોલીસ જવાનો સાથે રહી આવા લોકોને સબક શિખવાડ્યો. સાથે-સાથે જાગૃત કરવાની પણ કોશિશ કરી. પરંતુ કહેવાય છે ને કે, આવા લોકો પાસે બહાના પણ નવાનવા તૈયાર જ હતા.

આ લોકોના હાવભાવ જોતા એવું લાગી રહ્યું છે જાણે સરકાર અને આપણે સૌ નોટંકી રહી રહ્યા છે. પરંતુ આમને સમજાવે કોણ કે, અહીં ન તો અમે કે ન તો પોલીસ પકડા-પકડીની રમી રહ્યા છે. અમે તો તમારા માટે તમારા પરિવાર માટે સાવચેત કરી રહ્યા છે. અમારા જીવને હાથમાં લઈને અમારી ફરજ નિભાવી રહ્યા છે.

બહાનેબાજો જરા આ પોલીસકર્મીઓને જુઓ તમારા કારણે તે પણ પોતાના જીવને જોખમમાં મુકી રહ્યા છે. મીડિયાકર્મીઓને જુઓ તેઓ પોતાની ફરજ નિભાવે છે. પરંતુ તમે તેનો પણ જીવ જોખમમાં મુકી રહ્યા છે. કમસેકમ હોસ્પિટલોમાં સારવાર કરી રહેલા ડૉક્ટરો અને તેમના પરિવારોનું તો વિચારો. આજે સમય છે વિચારવાનો પરંતુ જો ન સમજ્યા તો આવનાર સમય ખૌફનાક હશે.